زبانحال حضرت صغری (س)
.
✍️ #زبدةالاشعار ✍️
.
🆔: @nohe_torki
.
مرحوم انور اردبیلی
.
آیریلیق سالدى بوش ایولرده منی بنده على
گوزی چخسون فلکون قالدی گوزی سنده على
.
.
وطننده کیمی واردی سالا صغرانی یادا
بسترینده باجوی غم یوخوسندان اویادا
زهر هجری ایچن آغزیم گله هیهات دادا
بسکه تلخی یارادوب آیریلقون منده على
.
.
دوغرى سوزدور بو کچن گونلره گون چاتمازیمش
دوغری سوزدور غم اسیری گیجه لر یاتمازمیش
دوغری سوزدور باجیلار قارداشنی آتمازمیش
آتمارام من سنی تا وار نفسیم تنده على
.
.
حکم فرما سنون عشقوندی منیم وار یوخوما
بی پرستار قیزام عرضه می نینک اوخوما
ئولورم بیر گیجه باری کرم ایت گل یوخوما
پشت پا ورما بیله عالم پیونده علی
.
.
هر دمیم غمدی بو ایوده منیم ای عیسا دم
یانورام اشک اولورام شمع مثالی کم کم
گل دانش بلکه بیر آزجا دیریله روحیَّم
حسرتم چوخدان او لبلرده کی لبخنده على
.
.
کیم طبیب اولسا گرک ناخوشا درمان گتوره
بلبله باد صبا عطر گلستان گتوره
عالم عشق گرک جان آپاران جان گتوره
جان حضررونده دى قالبدى قالان منده على
.
.
ظلّ لطفونده عزیزیدی منیمده ازلیم
برگ پاییز کیمی ایندی قالوبدور خزلیم
نچه آیدور منی گوز یولدا قویوبسان گوزلیم
نقدر تک قالوم آیا بو نشیمنده على
.
.
نقدر من گیجه لر ثابت و سیاره باخوم
یا که گوندوزلری حسرت در و دیواره باخوم
قاپوسی قفل اولونان باغلى اطاقلاره باخوم
بنذیوم مجمر ایچینده یانان اسپنده على
.
.
آیریلیق عالمی ایلدور منیچون لحظه لروز
کاروانوز هارا گتدی منه گلمور خبروز
نه بلا واردی باشوزدا نه یوباندی سفروز
گورمورم بو سفری منکه خوشاینده على
.
.
بو قرانلوق گیجه ایکاش چخیدی گونوزه
قیدویدوز وطنه گوز یاشیم آخمیدی یوزه
قولاقیم سسده دی من منتظرم قاصدوزه
ساخلیوب وصلون امیدی باجوی زنده على
.
.
قاپوسی باغلی بوش ایوده نگرانم ائلیمه
بار سنگین کیمی دور ثقل فراقون بئلیمه
دگمیوب سن گیانی شانه پریشان تئلیمه
شهر یثربده منم زلفی پراکنده على
.
.
وطنه گلمگوین وقتنی ایکاش بلم
سنی پیشواز ایدم ای سرو خوش اندام حرم
یوز قویام مقدموه آخ دیوب اوندان ئولم
سرو ایاقنده نولور گل ئوله گلشنده على
.
.
بو همان کهنه فلکدور ایشی اخیارہ ستم
یوسفون قیمتنی ایلدی ناچیز درم
اولسا غربتده اگر کاکلوین بیر توکی کم
ناخوشون اوندا گرک دفن اولا مدفنده على
.
.
بو عمارت ده مصیبت دومانی سایه سالوب
بختورلر هاموسی گتدی فرا بخت قالوب
ام سلمه منه یولداشدی اودا چوخ قوجالوب
زحمتیم اوندان ایدوبدی منی شرمنده على
.
.
شمع باشدان آلشار عمرى چاتار پایانه
یاندیرار شعله ده شهپرلرینی پروانه
من دچارم اورگمدن شرر سوزانه
نفسیم آتش اولور حالت شیونده على
.
.
.
#حضرت_صغری #انور_اردبیلی
#آخرین_یادگار
#آیریلیق_سالدى_بوش_ایولرده_منی_بنده_على
#ترکی
.
✍️ #زبدةالاشعار ✍️
.
🆔: @nohe_torki
نظر دهید