اویاق قالوب گجه نی نصفه جک خانم زینب #حقیر_خویی

شام غریبان
.
زبدة الاشعار

?: @nohe_torki
.
مرحوم میرزا عبدالوهاب حقیرخویی
.
اویاق قالوب گجه نی نصفه جک خانم زینب
احاطه ایلدی آفاقی تا سیاهی شب
.
چو تیره بختی یاتوب آی باتوب ایتوب مهتاب
چکیلدی ظلمت شبدن گوزینه سرمۀ آب
.
قوجاقلیوب دیزینی عالم مراقبه ده
قیلوب مکاشفه سرّین تمام حادثه ده
.
گوروب آناسی بتولی خمیده قامتیله
قرا باشیندا باخور اهل بیته حسرتیله
.
آناسی فاطمه نی تا گوروب اورکلندی
ز بسکه جوشه گلوب بحر دردی دلّندی
.
سحردن ایمدیه زینبدن هئچ اولوب خبرین
بولورسن هئچ نه چکوب اهل بیت دربدرین
.
سوروشموسان نیه بس سرو قامتون بوکولوب
دیوم بو سینمه از بسکه داغ لر چکیلوب
.
بیله گلولّه مگر گورماقا اسیرلری
بو نوعیله آنا اولادیدن اولور خبری
.
بوگون یانیمدا آنا اولمادون بو دشتیده سن
که بو ائوی یخیلان زینبین اوزون گوره سن
.
اولیدون اکبری آتدان سالان زماندا آنا
نه حاله قالدی حسینون گوریدون اوندا آنا
.
نجه الون اورگینه قویوب چکردی آه
دیردی ایله بو قربانیمی قبول الله
.
منیم ائویم یخیلوب گللریم خزانه دونوب
نه گورموسن که سنون قامتون کمانه دونوب
.
مگر منیم کیمی گوردون عزیزۀ کونین
وئرنده جان یارالی تشنه قان ایچینده حسین
.
حسین آدی دله گلجاق گره لنوب نفسی
او ساکت اولدی بتولین اوجالدی ناله سسی
.
بویوردی صبر ائله ای مایهٔ حیا و ادب
شرار آهیله یاندیرما قلبیمی زینب
.
بئله گمان ائلوسن واردی غفلتیم سیزدن
منیم چوخ آرتوق اولوبدور مصیبتیم سیزدن
.
سحردن ایمدیه جک استراحت ائتمه میشم
یانوندایام بالا سندن کناره گئتمه میشم
.
وارام گئچن گچه تا صبح اول شبدن
گوروب بولوب خبریم وار تمام مطلبدن
.
گلردی خیمه دالیندان همین گچن گجه بس
او آغلاماق سسی بولدون کیمین سسیدی او سس
.
هنوز وقت شکایت دگل چوخ ائتمه فغان
مگر یتیمه پرستارلوق اولور آسان
.
منی یتیم لرین محنتی بو حاله سالوب
دوگور سراغ ائله قارداش بالاسی هاردا قالوب
.
گوزون آچاندا یریندن قیام ائدوب فی الفور
ازل او خیمه نین اطرافین ایلدی بیر دور
.
الهی اوندا نجه اولدی زینبین حالی
مخاطب ایلدی اسماً به اسم اطفالی
.
دئدی سکینه جوابینده تئز دئدی لبیک
دئدی رباب وئرن اولمادی جواب ولیک
.
چاغیردی گل باجی کلثوم ائویم یخیلدی گنه
گئدنده قارداشیم اطفالی تاپشوروبدی منه
.
رباب یوخدی باجی ایمدی من نه چاره ائدوم
هایاندا قالدی گجه وقتی هانسی سمته گئدوم
.
ایکی باجی گجه نین نصفی وئردیلر ال اله
توکه توکه گوزینین یاشلارین دوشوب او چوله
.
چوخ آختاروب دولانیب گزدیلر چوله هریان
نه ظاهر اولدی او گم گشته دن اثر نه نشان
.
گزه گز یتیشوب قتلگه کنارینه تا
یواش یواش اوجالوب سس الی یا اختا
.
دولانمیون بو قدر چوللری عزیزلریم
گلون منیم یانیما وار ربابیدن خبریم
.
چوخ آغلیوب بو یتیمه منیم فراقیمده
ایاق ووروب یورولوب یوخلیوب قوجاقیمده
.
بو بلبل آیری دوشوب اوز گلوم سکینمدن
گَلون یواش گوتورون بلبلی بو سینمدن
.
یتوب نه گوردوله چون عندلیب دلخسته
اوزین سالیب آتانین قانلی سینه سی اوسته
.
به سان بلبل فصل خزان اولوب خاموش
گل عطری بلبل بیچاره نی ائدوب مدهوش
.
ایاق سسین ائشیدوب هولیله آچوب گوزینی
قویوب تئز عمه لرینن ایاقینه یوزینی
.
توقّعیم بودی سیزدن اگر قبول ائده سوز
منی قویوب بابامین خدمتینده سیز گئده سوز
.
ائدوب بابام منی حفظ حمایتینده نهان
آپارمیون منی بوردان نه شمر وار نه سنان
.
بتول نایبه سی غملری ائدوب هیجان
قوجاقلیوب دئدی عمون سنه اولا قربان
.
قیزیم قوجاقیمه گل سال بو بوینوما قولوی
گئداق سکینه باجون ایمدی گوزلوری یولوی
.
بابان یانیندا اگر منده قویسالار قالّام
ئولونجه قبرینین اوسته مجاوری اولّام
.
ولیک شمرده نه رحم و نه مروّت وار
بهانه آختارور ائتسون سنه منه آزار
.
بو مطلبین اؤزی بیر قصۀ مطوّلدور
نه قدر مختصر اولسا گنه مفصّلدور
.
اگرچه مطلبیمیز قالدی ناتمام«حقیر»
بیر اوزگه طرزیله قیلّام متمنّی تقریر
.

#شام_غریبان
#اویاق_قالوب_گجه_‌نی_نصفه_‌جک_خانم_زینب
#حقیر_خویی
#ترکی
.
#زبدةالاشعار

?: @nohe_torki