او کس که ایستوری مداح آل عصمت اولا #پندیات_کریمی_مراغه_ای

سخنی با مادحین اهل بیت علیهم السلام
..
..
..
..
مرحوم کریمی مراغه ای
..
..
..
..
او کس که ایستوری مداح آل عصمت اولا
گرکدی اوندا بو اون مطلبه رعایت اولا
..
محرماتدن اولده اجتناب ایلیه
که تا گوزل نفسینده اثر حرارت اولا
..
ایکمجی شرطی تقربدی پاک نیتلن
خلاصه مخلص اخلاص اولا ارادت اولا
..
اوچومجی عاری اولا کبریدن، منیتدن
تواضع اهلی اولا طالب حقیقت اولا
..
ئوزی یانا ایشیدنلر یانا کلامیندن
بو دوردمنجیدی یعنی اورکده رقت اولا
..
ئوزی که آغلامادی آغلادانماز اوزگه لری
اورک گرک یانا تا گوزده اشک حسرت اولا
..
بشیمجی مجلسین احوالینی آلا نظره
متاع نوحیه سامعده خبره ویت اولا
..
بو آلتی مینجی نصیحتدی اهل موعظه دن
اوزون سوزون هدره ساتمیا شهامت اولا
..
بو یدی مینجیدی آگاه اولا مقاتلدن
مقابلینده احادیث اولا روایت اولا
..
مسلط اولماقی اشعاره شرط هشتمدی
بدیع و قافیه ده مختصر مهارت اولا
..
ولی وصیت نهم مدال تقوادی
دوشونده پارلیا مستوجب عنایت اولا
..
اونومجی همدم اولا دمبدم قدم به قدم
تخلف ایلمیه عامل شریعت اولا
..
بو اون وظیفه نی نادیده دوتسا هر مداح
محالدور اونا ممدوحدن کرامت اولا
..
حسین مجالسینی ایتسه الده بازیچه
خدا یانندا چتین مستجاب دعوت اولا
..
دینمرم که غلامم حسینه مداح ام
بو ادعایه گرک بنده ده لیاقت اولا
..
اولوبدی جدی پیمبر ازلده مداحی
حسین منی انا من حسین ده دقت اولا
..
آدین حسینچی قویان پیرو یزید اولماز
گرک حسینچی ده انصاف اولا مروت اولا
..
حسینی مدح ایدن آل زبیری مدح ایلمز
گرک حسینچی ده مختار تک رشادت اولا
..
گرک دولاندیرا چگننده دار اعدامین
کمیل تک ئوزی آماده ی شهادت اولا
..
حسینچی نین روشی قول و فعلی حجتدی
اگر مبلغ قرآن اولا، دیانت اولا
..
اولوب بو قطعیه باعث (کریمیا) (صدری)
همیشه اوندا بو خیر ایشلره دلالت اولا
..
..
#پندیات #شاعر #مداح #حسینیه_مدح #حسینیه #حسینیه_کریمی_مراغه_ای
#او_کس_که_ایستوری_مداح_آل_عصمت_اولا #کریمی_مراغه_ای #ترکی #زبدةالاشعار