ورود به کربلا
.
✍️ زبدة الاشعار ✍️
?: @nohe_torki
.
نوید آسال اردبیلی
.
دیار کرب وبلانین نماسی گورملیدی
ضریح شاه هدانون ضیاسی گورملیدی
.
منای عشقیدی عشاقه وعده گاه وفا
او وعده گاه وفانون صفاسی گورملیدی
.
یاتوبدی اوردا حسینون وفالی یارانی
ذبیح اعظم عشقون مناسی گورملیدی
.
واروندی دردون اگر صدقیله حسینه دینن
شفا ویرر آقا دارالشفاسی گورملیدی
.
حسین وصالی دوتوب آتدی عالمون داشینی
فدا او شاهه اونون نینواسی گورملیدی
.
او یردی کعبۀ عرفان او یردی باب امید
اویرده زائرینون التجاسی گورملیدی
.
حسن نشانه سی قاسم یاتوبدی قان ایچره
مقام قاسم و شمع و حناسی گورملیدی
.
علی اکبری یاتمیش ایاقینون آلتدا
ضریح اطهرینون غم فضاسی گورملیدی
.
آچون اورک گوزونی عاشقانه رویت ایدون
حسین فاطمه نون قان رداسی گورملیدی
.
قاچوبدی تلّیله گودال اراسینی زینب
حریم عشقیدی سعی و صفاسی گورملیدی
.
یاتوبدی اوردا حسینون وفالی سرداری
او خردا قبریله قانلی لواسی گورملیدی
.
حسینی ایندیده مولا بیلور أوزون نوکر
اوشیر بیشۀ حقون وفاسی گورملیدی
.
گلوبدی بیر گونی اول دشته کاروان حسین
او کاروان غمون ماجراسی گورملیدی
.
انوبدی کرب وبلایه جلالیلن حرمین
حسین فاطمه نون اقرباسی گورملیدی
.
او سرزمینه هامی آوز نگارین اندیردی
نگاره دوزدی کی یارین اداسی گورملیدی
.
گودور خانملار اول زینب اَنسون اول دشته
بهانه سیز خانمون باحیاسی گورملیدی
.
تصور ایله اَنور ناقه دن حسین باجی سی
رکابی ال دوتانی اتّکاسی گورملیدی
.
رکابی زانوی سقا الین دوتوب قاسم
ایدوبدی اکبره تکیه عصاسی گورملیدی
.
قویوبدی خاک بلایه قدم شریک حسین
او حالیده خانمون بو دعاسی گورملیدی
.
دیدی الهی منه بو جلالی چوخ گورمه
چون اهلبیتیله دنیا اساسی گورملیدی
.
حسین، امرایلیوب خیمه گاه اولوب برپا
خیام طاهر عشقون نماسی گورملیدی
.
غرض قورولدی او چولده نظامیلن اخیام
ایدوبدی دشتی مزیّن جلاسی گورملیدی
.
او خیمه لر کی اونون اهلی شاد وخرّم دی
بو شادلیقین بیلوسوز انتهاسی گورملیدی
.
خانملارون یوزونی گورمیوبدی گون گویده
حرم باشیندا مفخّر قباسی گورملیدی
.
گیدوبدی خیمه سینه هر کس احترامیلن
او عزّ و شوکت و جاهین فناسی گورملیدی
.
یاپیشدی زینب الین شاه یوم عاشورا
گتیردی تله او یرکی بناسی گورملیدی
.
بویوردی باخ باجی جان بو بلالی صحرایه
بو یردی کرب و بلاکی بلاسی گورملیدی
.
بو تپراقون باجی قان ایچمگه تمایلی وار
ایچه منیم قانیمی اشتهاسی گورملیدی
.
بو یرده حرمتیمی سیندیرار سپاه دنی
بویرده اهل جفانون جفاسی گورملیدی
.
بو یرده اکبریمی قطعه قطعه دوغراللار
او نوجوان بالامون قان عباسی گورملیدی
.
آناسی باشه ویرار اکبرین باشی اوسته
او غمزده آنانون اوخشاماسی گورملیدی
.
بویرده قاسیمون طاقتین آلاریاره
باتاراوطوی گونی قانه حناسی گورملیدی
.
سالوبدی هانسی گلین طوی گونونده باشه قرا
باشینداتازه عروسین قراسی گورملیدی
.
بویرده اوخ اوپه جک دیدهُ ابوالفضلی
اواوچ پراوخدی باجی ماجراسی گورملیدی
.
دوشرقولی ولی دیرسکله ساخلیار پرچم
وزیرلشکرعشقون لواسی گورملیدی
.
بیرعمریدور گودورم تامنه دیه قارداش
بویرده قارداشیمون یااخاسی گورملیدی
.
دوشنده تپراقازهرا گلرباشی اوسته
اولحظه فاطمه نون وای بالاسی گورملیدی
.
بویرده اصغریمی سینم اوسته اوخلالار
اونازنین بالامون آغلاماسی گورملیدی
.
اواوچ پراوخ کی دیدیم اصغرینده واردی پایی
دگربولربوغازین اوخ یاراسی گورملیدی
.
آناسی قبره کیمین قاره باغلیارباشینا
اونون باجی گون آغاردان قراسی گورملیدی
.
منیم شریک غمیم ایستسون کی درک ایده سن
حسینه کرب وبلانین هاراسی گورملیدی
.
چوخوریری گوروسن سینه ی بیاباندا
اویردی مقتل عشقیم ضیاسی گورملیدی
.
اویرده من دوشرم زینیدن تراب اوسته
طریق عشق حقون ابتلاسی گورملیدی
.
اویرده واردی قراریم خدای عشقیلن
اویرده قارداشوون ربناسی گورملیدی
.
اویرده شمردنی باشیمی کسردالدان
نگاره من چاتارام کی صفاسی گورملیدی
.
نگاره من چاتارام تازه محنتون باشلار
سنون باجی غموون ابتداسی گورملیدی
.
لوای عشقی آلوب چیگنووه قیامت ایله
بونهضتیم باجی حقدی خداسی گورملیدی
.
#ورود_کربلا
#کربلا
#دیار_کرب_و_بلانین_نماسی_گورملیدی
#آسال_اردبیلی
#ترکی
.
✍️ #زبدةالاشعار ✍️
?: @nohe_torki
نظر دهید