او کس که چنگ وورا دامن علمداره #عباسیه_کریمی_مراغه_ای

حضرت ابوالفضل علیه السلام
#گریز به جناب مسلم علیه السلام
.
#زبدةالاشعار
.
: @nohe_torki
.
کریمی مراغه ای
.
او کس که چنگ وورا دامن علمداره
ائدرله هر ایکی دنیاده دردینه چاره
.
حسینه کرب و بلاده وفا نشان وئردی
سو ایچمدی سو کنارینده تشنه جان وئردی
.
خجالت اولدی حسینون سوسوز بالاسیندان
ئولونجه خیمه لره باخمادی حیاسیندان
.
بو ذلت و بو اهانت قراریمی آلوری
خیاله کوفه ده بیچاره مسلمی سالوری
.
اگرچه باشلانوب عباس آدیلا منشوریم
ولی شهادت مسلمدی دلده منظوریم
.
ایکی عم اوغلی عجب دینه خدمت ایلدیلر
طریق عشقده خوش استقامت ایلدیلر
.
اونون ایکی قولونی سالدیلار شهامتله
بونون ولی قولی باغلاندی چوخ حقارتله
.
اونون باشیندان عمودیله ووردی قوم شریر
بونوندا آغزینا ورمیشدی کوفیان شمشیر
.
فریب و مکریله عبّاسی چاهه سالمادیلار
دوشونجه قوللاری تیغین الیندن آلمادیلار
.
ولی بونون اورگین ظلم اوتیلا داغلادیلار
آلوب سلاحین الیندن قولونی باغلادیلار
.
اونون اگرچه قالوب نعشی یرده ذلتیله
ویروبلا نیزیه باشین عدو عداوتیله
.
هاچان بو ظلم اولونوب جسم پاره پاره سینه
ووروبلا نعشینی قصّابلر قناره سینه
.
او آچدی گوزلرینی حال احتضارینده
حسین تشنه لبی گوردی ئوز کنارینده
.
بو جان وئرنده ولی حالینه یانان یوخیدی
یارالی باشینی آغوشه بیر آلان یوخیدی
.
اولاندا مسلمه دارالعماره بامی مکان
باخاردی صاق صولونا حسرتیله چوخ نگران
.
دوتوبدی کرب و بلایه یوزین ملالیله
حسینه عرض ائلدی بو زبانحالیله
.
.
نوحه سینه زنی و زنجیر زنی مناسب این متن ،در هشتک زیر
#هارداسان_گوزوم_یولوندا_قالدی_انتظار_عم_اوغلی
.
.
#عباسیه_شهادت
#مسلمیه
#او_کس_که_چنگ_وورا_دامن_علمداره
#ترکی
.
#زبدةالاشعار
.
: @nohe_torki