ساکت اول قزیم بیر آن آغلاما بالا یاندیم #حضرت_رقیه_شوری_تبریزی

زبانحال علیا مکرمه (س) با حضرت رقیه (س)
..
..
مرحوم شوری تبریزی
..
..
ساکت اول قزیم بیر آن
آغلاما بالا یاندیم
بو بیبون سنه قربان
آغلاما بالا یاندیم
..
..
..
جانیمه شرر سالدون
اختیاریمی آلدون
نولدی بو گونه قالدون
آغلاما بالا یاندیم
..
..
..
نولدی زلفوی یولدون
ابر تک بله دولدون
گل کیمی قزیم سولدون
آغلاما بالا یاندیم
..
..
..
آجلوقون بالا قانّام
اود دوتوب الولانّام
وای بالام دیوب یانّام
آغلارام بالا یاندیم
..
..
..
بو اورک دولی قاندور
گورنه نوعی شان شاندور
آز قزیم منی یاندور
آغلاما بالا یاندیم
..
..
..
من فدا بو گوز قاشون
قوی دیزیمه بیر باشون
تا سیلیم او گوز یاشون
آغلاما بالا یاندیم
..
..
..
گلشنون گلی سولسون
بو بیبون قزیم ئولسون
سسلرم بابام گلسون
آغلاما بالا یاندیم
..
..
..
نیلیوم من نالان
ایلمه بیله افغان
من اولوم سنه قربان
آغلاما بالا یاندیم
..
..
..
رحم قیل من زاره
ایتمه قلبیمی پاره
منده یوخدی بیر چاره
آغلاما بالا یاندیم
..
..
..
دوشموسن عجب درده
یاتماسن قوری یرده
گل قوجاقیمه بیرده
آغلاما بالا یاندیم
..
..
نه اولوبدی اودلاندون
اود دوتوب الولاندون
وای بابا دیوب یاندون
آغلاما بالا یاندیم
..
..
..
گور نجه پریشانم
من اوزیمده حیرانم
گوزلریوه قربانم
آغلاما بالا یاندیم
..
..
..
من ازل ئولیدیم کاش
نیلیوم من کُلباش
توکمه گُل یوزه قانیاش
آغلاما بالا یاندیم
..
..
..
گلمسن سن افغانه
سالمسان شرر جانه
دوندی بو اورک قانه
آغلاما بالا یاندیم
..
..
..
شوری سینوی داغلا
بِل رقیّیه باغلا
چوخ دئ بو سوزی آغلا
آغلاما بالا یاندیم
..
..
..
..
#حضرت_رقیه #شوری_تبریزی #حضرت_رقیه_شهادت #ترکی #زبدةالاشعار