او که راه بشریتدی علینون یولودی #حیدریه_محمدحیدری

در شان و مقام حضرت علی علیه السلام و ماجرای غدیرخم
اشاره به سوره های قرآن که به مقام و القاب مولا اشاره شده است
..
..
..
محمد حیدری امندی
..
..
..
او که راه بشریتدی علینون یولودی
او یولیکی که رهِ عزتدی علینون یولودی
او که همواریدی، راحتدی، علینون یولودی
خلقه معیار سعادتدی علینون یولودی
او همان راه ولایتدی علینون یولودی
..
..
..
شاهراهِ ره ایمان و شرفدور آقامیز
حضرت مرسله شایسته خلفدور آقامیز
بیزه روشنگر مقصود و هدفدور آقامیز
گرخلایق جمع اولا ،اولِ صفدور آقامیز
هانسی یول سوی حقیقتدی علینون یولودی
..
..
..
ندن عالم بئله مستانه علی عاشقیدی
سرّی وار عاقل و دیوانه علی عاشقیدی
ساقی و ساغر و پیمانه علی عاشقیدی
اودونا یانسادا پروانه علی عاشقیدی
سوی معشوقه نهایتدی، علینون یولودی
..
..
..
یاد ائله بیر گونیکی شمس و قمر باهمیدی
حجّیدن هامی قیتمیشدی، عجب عالمیدی
آغ قرا اوردا قاریشمیشدی،هامی درهمیدی
امر ائدن حقیدی اجرا ائلیین خاتمیدی
خلقه منظور رسالتدی، علینون یولودی
..
..
..
یعنی مندن سورا عشق اهلینه مولادی علی
اینانون علمیده، ایمانیده دریادی علی
نور حقدور که بو عالمده تجلادی علی
منده کی عالی صفاته ئوزی دارادی علی
خلقه خالق ئوزی گورستدی، علینون یولودی
..
..
..
قدموندن بزنیب بیت خداوند جلی
یعنی او دورت دووارین سرینه واقفدی علی
گئت سوروش حضرت احمددن او سرّ ازلی
عرشیدن فرشه علیچون نه یازیب حکم ولی
او که حق یازدی حقیقتدی علینون یولودی
..
..
..
گوزون آچ سیر ائله آیات کتاب احدی
ایسته بو امریده آلله ئوزی قیلسون مددی
گور که یئر گوی آراسیندا بو علی عشقی ندی
قرآنین اوچده بیرینده سوزومون وار سندی
اوکه باشدان باشا حکمتدی، علینون یولودی
..
..
..
اوخی احزاب و نسا و قلم و شورانی
آل عمران و قصص ،مائده ی قرآنی
حشر و انفالی اوخی یاخشی تانی مولانی
توبه و واقعه و حجّیده تاپ ایمانی
هانسی یول راه هدایتدی علینون یولودی
..
..
..
آچیگیلان سوره رعد و صف و تحریم و زُمَر
زُخرَف و جاثیه و سجددَه وار رمز دگر
انبیا و نبا و مریمی آچ گور نَه دییَر
حاقّه و بَینه و هود اوخی تاپ نورِ بَصَر
او که مخلوقه بصیرتدی علینون یولودی
..
..
..
دریالار اولسا مُرکّب مِشَه لر اولسا قلم
آدم و جنّ و مَلک اولسالا بو امریده هم
ائده بیلمزله علی وصفینی دفترده رقم
یَدِ قدرتله او ظلامه ووروب خطِّ عَدَم
او که حقّ اهلینه عزتدی علینون یولودی
..
..
..
دفتر عشقین علی زینت و پیرایه سیدی
آدی مشتقّیدی اعلادن، اونون آیه سیدی
کایناتی اویادان بیر سس علینون سسیدی
شهر علم نبوینون علی دروازه سیدی
هانسی یول عین رسالتدی ،علینون یولودی
..
..
..
ناطق و رابط و حاکم شهِ والادی علی
اشجع و اکمل و افضل دلِ تقوادی علی
خاشع و راکع و شاهددی مبَرادی علی
مخبِتُ ،مُنذِر و هم وعده ی حُسنادی علی
او که قرآندا بشارتدی، علینون یولودی
..
..
..
“حیدرییا” بو سوزون قدرینی عُشّاق بیلر
تاعلینون آدی وار حق دیریلَر،باطل ئولر
بو علینون تایی دونیایه گلیبدیر نه گلَر
کیم علینی آقا بیلسه باشینا رحمت اَلَر
هانسی یول راه سعاتدی ،علینون یولودی
..
..
..
#حیدریه #محمدحیدری #حیدریه_مدح #غدیریه #ترکی #زبدةالاشعار