غدیریه
#گریز #معراجیه
.
✍️ #زبدةالاشعار ✍️
.
🆔: @nohe_torki
.
امینی خویی
.
فارغ الحجّدی مردان سزاوار خدا
ترک ایدوب کعبه نی ایستیردیله دوشسونله یولا
یغدی اطرافینه اوز امتینی میر هدا
مژده اولسون دیدی هر پاک و منزه حاجی وار
خوش سیزون حالوزه باشوزدا سعادت تاجی وار
.
.
گوندروب خالق یکتا من ایچون عالی پیام
ایلیم بو دل صحراده صمیمانه سلام
خلقه مندن صورا آگاه ایلییم کیمدور امام
بیله فرمایش ایدبدور من ایچون ربّ ِ جلی
حجة الله دی سندن صورا بو خلقه علی
.
.
امرین اجرا ایدم ایستیر بوگون الله الاحد
چون علی منبع تقوادی اوزی دینه مدد
مرد شمشیر دی بیر منصبی اللّهه اسد
مُلک اسلامه برازنده دی بو رهبر اولا
ره گشا ملته ملزومدی بو سرور اولا
.
.
خاتم مرسله امت دیدی صلوات و سلام
باشلیوب خلقه بیاناتین او دم خیرالانام
پنجهٔ قدرت یزداندا علی ایتدی مقام
باشلیوب زمزمه سکّان سما با دل شاد
لیل دیجوری نهار ایلیوب اول میر معاد
.
.
لافتی شاهی قویوب باشینه بیر تاج ولا
اگلشوب مسند والاده علی شیر خدا
دوغمیوب مادر گیتی بیله بیر راهنما
چشم بیناسی قرانلیق یره سالسیدی نظر
اوردا ایجاده گلردی اون ایچون نور بصر
.
.
مدحی یردن اوجالانموشدی اونین نه فلکه
یرده یر اهلینه مولایدی گویده ملکه
فوج کفاری سرازیر ایلیردی درکه
قورخوسیندان یاتا بولمزدی اونین دشمن دین
راحتیدی اونا دنیاده کیم ایتمیشدی یقین
.
.
لیل معراج ده با قدرت خلاق جهان
چخدی گویلرده پیمبر یانیجان گزدی نهان
دوردیمینجی گویی رد اولدی اوزون وردی نشان
شیر شکلینده وضوح ایتدی قوی پنجه لرین
ساخلادی لحظه یول اوستونده حقین رهگذرین
.
.
بیر اوزوک بذل ایدوب اول شیره سلیمان حجاز
تئز کنار اولدی ایدبدور یولی اول حضرته باز
گچدی بیر نقطهٔ دیگرده به پا ایتدی نماز
مقتدا اولدی او سرور که ملک لر صفینه
باغلانوبدور گینه یول رهگذرین رفرفینه
.
.
جبرئيلین پری پروازینه مقدور دگیل
عاجزم من دیدی ربیم سنه مستور دگیل
دای او یر لایق جن و ملک و حور دگیل
صاحب اول بندهٔ منشوریوی چک محضریوه
من فدا سوئملی مهمانیوه پیغمبریوه
.
.
تا یتوب محضر والای حق دادگره
گلدی ما بین ده بیر پردهٔ زیبا نظره
گرم بازار سخن عاشق و معشوق لره
عقلی حیران ایلین بیر اولارین نغمه سیدور
سوز خدانین سوزی لکن سس علی نین سسی دور
.
.
لاجرم خاتمه معراجه وروب ختم رسول
علم مافوق و فراوان اوزینه ایتدی وصول
فوری یر ناحیه سین قصد ایلیوب کل عقول
شهر علمم دیدی علم اورگدنیم رب جلی
باب گنجینهٔ علمیم ده عمو اوغلومدی علی
.
.
اولموشوخ بیز بو جهتدن بلی شیدای علی
شیعهٔ خالص و همسنگر و همتای علی
واردی بیزدنده بی اندازه تمنای علی
لکه دار اولمیا دامان سفید عرفا
عارف اول سنده #امینی اوزیوه ایتمه جفا
.
.
#غدیریه
#حیدریه_مدح
#فارغ_الحجدی_مردان_سزاوار_خدا
#ترکی
.
✍️ #زبدةالاشعار ✍️
.
🆔: @nohe_torki
نظر دهید