حالات حضرت رقیه (س)
.
✍️ زبدة الاشعار ✍️
.
🆔: @nohe_torki
.
مرحوم میرزا عبدالوهاب حقیر خویی
.
او گجه اوّل شبدن رقیۀ نالان
به سان شمع گجه نصفه تک اولوب سوزان
.
یانوب اؤز آتشینه جانی سوزش دلدن
اولوب یاری گجه خاموش اودم دوشوب دلدن
.
اولوب خیالی پریشان غم و ملالیله
دوشوب خیاله آتاسی همان خیالیله
.
یوزینی توپراقا قویدی او ناز پرورده
یاتوب خرابه ده بیر گوشه ده قوری یرده
.
آتاسینی یوخودا گوردی هولیله اویانوب
ایاقه دوردی یریندن خرابه نی دولانوب
.
باخوب اویان بویانا وحشت شتابیله
یاپوشدی دامن زینبدن اضطرابیله
.
دئدی بابام هانی عمه گورونموری گوزومه
یوزین خرابه ده قویموشدی ایمدیجه یوزومه
.
آلوب قوجاقه منی بوینوما قولون سالدی
الین چکوب باشیما حالیمی خبر آلدی
.
دئدیم سوروشما سوزوم چوخدی هئچ بیرین دئمرم
که اوزگه دن سنه هرگز شکایت ایلمرم
.
اگر شکایتیم اولسا سنون اوزوندن اولور
آتا عیالینی گوزدن مگر بو نوع سالور
.
مگر بابا دگلم من سنون عزیز قیزون
ائشیت گور ایستدیلر شامیان کنیز قیزون
.
وئرردون اؤز دیزون اوسته منه همیشه مقام
اولوب گر ایمدی منیم منزلیم خرابهٔ شام
.
دیوب بو سوزلری زینبدن اختیار آلدی
اونون قرارینی الدن او بیقرار آلدی
.
بلالی زینب اودم گلدی شیون و داده
اویاندی خردا اوشاقلار همین او اثناده
.
یغیشدی آل پیمبر رقیه دوره سینه
هامیسی اوخشادی سس وئردیله اونون سسینه
.
اوجالدی نُه فلکه صوت نالۀ جانکاه
یزید ائشیتدی بو فریاد و شیونی ناگاه
.
سؤال ائتدی نه عالمدی یا نولوبدی مگر؟
او ماجرانی او بد فطرته وئروبله خبر
.
همین که ماوقعی آنلادی او شوم خصال
خرابیه ائلدی شاه دین باشین ارسال
.
حسین باشی سالوب اول وقتیده خرابیه نور
خرابه دوتدی اولوب رشگ دشت وادی طور
.
او باشی آلدی هامی اؤپدی ایگلدی دویدی
رقیه آلدی دوداقین دوداقینه قویدی
.
دوداق دوداقه آلوب عطرینی اولوب مدهوش
گل اوسته بلبل شوریده تک دوشوب خاموش
.
به سان شمع عزا سوندی تا او دردانه
آلوب کنارینی نچه عزالی پروانه
.
باشی قرالیلار آغلاشدی هایهائیله
دولوب خرابه یری نوحه و نوائیله
.
گلوبدی غسل وئره اول صغیره غسّاله
پوزولدی حالی قالوب اوندا اؤزگه بیر حاله
.
فغانیله دئدی ظلمیله ئولدوروبله بونی
گل اوزلی دور اوزی جَبریله سولدوروبلا بونی
.
قوتار بو قصّه نی قورتار ادامه وئرمه «حقیر»
سنه شفاعت ائدر حشریده بو طفل صغیر
.
.
#حضرت_رقیه_شهادت
#او_گجه_اول_شبدن_رقیه_نالان
#ترکی
.
✍️ #زبدةالاشعار ✍️
.
🆔: @nohe_torki
نظر دهید