شهادت فرزند مسلم ابن عوسجه
.
✍️ #زبدةالاشعار ✍️
.
🆔: @nohe_torki
.
مرحوم حامد تبریزی
.
او گونکه درد و بلا کونی بیقرار ایلدی
حسین کمکلری جانانه جان نثار ایلدی
.
او شاهین الدن عدو یار و یاورین آلدی
او گیر داریده پیغمبر اوغلی تک قالدی
.
ئولوبدی اکبر و عبّاس و عون و فضل و بریر
سسینه سس ویرن الّا خدنگ قالموب غیر
.
او چولده ایلدی هل من معین نقدری ندا
ویرن تاپولمادی بیر کیمسنه سسینه صدا
.
باخاردی حسرتیله گاه صاقه گاه صولا
یوخودی بیر نفر اول شهریاره ناصر اولا
.
گوروب امام که بیر نوجوان او دم گلوری
سرشک چشمینی گلدوقجا دیده دن الوری
.
صغیر دور سورونور تیغینین اوجی یردن
باخاردی قدّینه چوخ حسرتیله شاه زمن
.
گلوب سلام ویروب شاه آدین سوروشدی او دم
دیدی که من پسر مسلم بن عوسجیم
.
آتان ئولوبدی نیه گلموسن دئدی بالا سن
دئدی که گلموشم ایتماقه جان فدا سنه من
.
دئدی ایدر آناوا اکتفا آتان ئولومی
او داغ بسدی داخی گورمیه بالا ئولومی
.
خدای حق سنه اجر جزیل ایتسون عطا
دگل آنان سنین ئولماقیوه دوباره رضا
.
دئدی که سالما شرر ای شها یانان دلیمه
بو تیغی که گورورسن باغلیوب آنام بلیمه
.
نقدری سویلدی ویرموب اجازه سرور دین
قیتدی خیمیه پژمرده دل شکسته غمین
.
ز بسکه ایلدی الحاح و عجز مادرینه
دوروب گلوب ایکیسی شاه دین برابرینه
.
دیدی ندن بالاما ویرموسن اجازه شها
مگر لیاقتی یوخ اولسون اصغریوه فدا
.
ز بس آنا یالواردی ایتدی داد و فغان
امام ویردی او طفله اجازۀ میدان
.
گلوب رجز اوخودی چکدی تیغ او طفل صغیر
ایکی شقینی حیاتیندن ایلیوبدور سیر
.
آناسی دورموشیدی خیمه لر قباقینده
اورک ویروب نه که یانسون غم فراقینده
.
دیردی قانه بویانسان دیمه خیال ایدرم
سنه اوغول آنالیق حقیمی حلال ایدرم
.
یتوب او دمده بیر آتلی مرامینه چاتدی
یخوبدی باشینی کسدی آناسینا آتدی
.
آناسی گوردی اوغول باشیدور زبس یاندی
باسوبدی سینه سینه قلبیدن الولاندی
.
یاخوبدی قانین او دم زلف عنبر افشانه
الینده باش قویوب اوز کارزاره دیوانه
.
گوروب که اوغلی وفاسین جهانه بلدوردی
اوغول باشیله اوغول قاتلینی ئولدوردی
.
ستون خیمه نی چکدی اولوبدی داخل جنگ
اوغول غمینده اولوب عرصه چون آناسینا تنگ
.
امامه ویردیله بو حال ناگواری خبر
آناسی بو بالانون رزمگهده جنگ ایلر
.
یتوبدی ویردی اونا تسلیت او شاه انام
ایدوبدی عورته جدّیم دئدی جهادی حرام
.
دئدی گذشت ایله نیلوم شها یانور قلبیم
بالام گیدوبدی الیمدن الولانور قلبیم
.
دوشر بو حاله خدا هانسی عورتین بالاسی
نه چکدی بس گوره سن لیلی اکبرین آناسی
.
او گونکه تیر بلا قلب عالمی دلدی
علی اکبرینین نعشی خیمیه گلدی
.
خیام طاهره ده سس دوشوب گلوب اکبر
توکولدی دیشره خیمدن بویوک کچیک یکسر
.
تعجم آناسی لیلینین وفاسیندان
خیامیدن ایشیگه چیخمادی حیاسیندان
.
گوره مباد منی شاه دین اولا غمگین
گله ایده آنا «حامد» جهانه بیرده چتین
.
.
#اصحاب_الحسین #حامد_تبریزی
#مسلم_ابن_عوسجه
#او_گونکه_درد_و_بلا_کونی_بیقرار_ایلدی
#ترکی
.
✍️ #زبدةالاشعار ✍️
.
🆔: @nohe_torki
نظر دهید