زبدةالاشعار

او گون جهانون اولوبدور ایشقلی بیر سحری #17ربیع_ناصر_اردبیلی

مدح و میلادیه حضرت رسول اکرم صلی الله علیه وآله و سلم
.
.
.
مرحوم ناصر اردبیلی
.
او گون جهانون اولوبدور ایشقلی بیر سحری
پدید اولوب صدف بحر رحمتون گهری
.
ربیعِ اَوَّلون اون یدیسی زمان طلوع
طلوع مهر نبو ت تاپوب جهاندا وقوع
.
خدیو کشور اسلام حضرت خاتم
قویوبدو امر خداوندیله جهانه قدم
.
اولان زمان متولد پیمبر اطهر
گوروندی ذات خداوند اعظمه مظهر
.
ایدنده جلوه او مربوب پاک رب صفات
مقربان سما جمله ذکر ایدوب صلوات
.
ایله تجلی ایدوبدور جمال ختم مآب
قالوبدو تحت شعاعینده مهر عالم تاب
.
او آفتاب دل افروز رحمته قرخ ایل
سحاب مصلحت کبریا اولوب حایل
.
یتیشدی قرخ ایله چون سن شهریار انام
سالوبدو پرده یوزینده او نیر اسلام
.
نقاب آچاندا یوزیندن رسول رب احد
گوریندی آئینه ده لم یلد ولم یولد
.
وحید وبیکس و تنها او حجت ازلی
اولوبدو مجری فرمان حی لم یزلی
.
آچوبدو پرچم توحید پرچم توحید
ویروبدو سایه شرکی فنایه چون خورشید
.
سیلوب اورکلری زنگار کفردن اول شاه
دوشوبدو دللره تا لا اله الا الله
.
تعالیه یتوروبدور گروه پستلری
صمد پرست ایلیوبدور صنم پرستلری
.
چکوب ایگرمی اوچ ایل او پیمبر رحمت
کمال شوقیله اثبات حق ایچون زحمت
.
عزیز عالمی دونان دهر دوتدیلا خوار
گل سعادتی تعقیب ایدوب اذیت خار
.
سرآمد بشریت ایاقی آلتنان بس
خسان دهر ستمله توکوبله خاریله خس
.
ایاقلاری که غباری اولوردی جلوه روح
اولوبدو ناوک خار جفائیله مجروح
.
قدملریکه اوپوب علویان شب معراج
جفای خاره اونی سفلیه ایدوب آماج
.
ویروبدو خیلی اذیت او شاهه اهل عذاب
بیری دیوب اونا ساحر بیری دیوب کذاب
.
او بحر علمه بیری زحمت فزون ویردی
او عقل کله بیری نسبت جنون ویردی
.
بیری جبین رسول خدایه داش ویردی
بیری ستمله مبارک دیشینی سندیردی
.
غرض او نخله توحیدی اکدی ختم مآب
حسین او نخلی ایدوب خون قلبیدن سیراب
.
سواردی دین آغاجین تشنه اوخلانان اورگی
درخت دینه اونون سو ویروب یانان اورگی
.
او قانیله بویانان آغ محاسنیله او شاه
ایدوبدو حقدن آفاقی موبمو آگاه
.
حسین ویروبدو بو دین شریفه تازه حیات
جدا باشیندا ایدوب قانلو باشی تبلیغات
.
ثبوت حق او باش نیزه لرده ایلدی سیر
او قانلو باشیله حقی تاپیبدو راهب دیر
.
ایدوبدو جلوه نما شرع مصطفانی حسین
جهانه ثابت ایدوب حق مرتضائی حسین
.
اورک قانیله او قطب حیات چون پرگار
ایدوبدو نقطه توحیدی حفظ ایره وار
.
ویروب او ناصر دین « ناصر » عالمه سرمشق
گرکدو خدمت ایده دینه جمله عاشق حق
.
بویوردی یعنی اولون حفظ دینه ناصر ویار
همین بو نیتیله ایلیوبدور استنصار
.
ایدن بو دینه کمک ایلیور حسینه کمک
ایدن حسینه کمک ایلیور بو دینه کمک
.
حسین جهانی ایدوب پرجلا حقیقتدن
حقیقت اهلی ایدر پیروی او حضرتدن
.
.
.
#17ربیع
#او_گون_جهانون_اولوبدور_ایشقلی_بیر_سحری
#ناصر_اردبیلی
#ترکی
#زبدةالاشعار

متن پیشنهادی:  گر اُمید اولسا وصاله، آیریلیق مشکل دگول #مهدیه_سیدبشیرحسینی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی