او گون که ایلدی رحلت رسول عالمیان #پیامبراسلام_ناصر_اردبیلی

شهادت حضرت خاتم الانبیا (ص)
.
#زبدةالاشعار
.
: @nohe_torki
.
مرحوم ناصر اردبیلی
.
او گون که ایلدی رحلت رسول عالمیان
اولوبدی محشر خاتون حشر او گونده عیان
.
قویوبدی یرده پیمبر جنازه سین امت
ثقیفیه یغشوب اول گروه بد فطرت
.
اولوبلا جاه و جلال جهانه چون مایل
ائدوبله باطلی حق حقی ائتدیلر باطل
.
دوشوب دوئیّت او گوندن میان اسلامه
که یتمیوبدی هنوز اول دوئیّت اتمامه
.
همین دوئیتیلن اول گروه بدپیشه
وئروبله ریشۀ اسلامه بیر بیوک تیشه
.
هیمن سقیفده که ظلمچون اولان شورا
اولوب مقدمۀ ظلم روز عاشورا
.
او ظلملر که ائدوب کربلاده اهل دمشق
آلوبلا ثانی ملعونیدن اولار سرمشق
.
علی یوزینه قلج چکمسیدی گر ثانی
شهید ایدردی نجه شمر عزیز زهرانی
.
بتوله ثانی دون ویرماسیدی گر سیلی
سکینه نون یوزی اولمازدی سیلیدن نیلی
.
علینون حقینی غصب ائتمسیدی قوم دنی
اسیر اولوردی نجه عترت شه مدنی
.
بتولی ثانی اگر ویرماسیدی جرأتیلن
ویراردی زینبی شمر لعین نه قدرتلن
.
بتول درگهی ظلمیله یانماسیدی یقین
خیام زینبی یاندورمیوردی شمر لعین
.
او باب علمه لگد ویرماسیدی گر دشمن
یارالی سینیه چخمازدی شمر ذی الجوشن
.
او گون قابورقالاری سینماسیدی زهرانون
یارالی سینه سی سنمازدی شاه بطحانون
.
ستمله محسن زهرا گر اولماسیدی شهید
جفای حرمله اولمازدی کربلاده پدید
.
چکیلمسیدی علی بیعته آچوق باشیلان
حسین باشی یارالانمازی نیزده داشیلان؟
.
علینون حقی گئدوب قلبی یانماسیدی اگر
حسین تشنه لبون قلبی اوخلاناردی مگر
.
علی نی خانه نشین ائتمسیدی قوم تباه
یقین خرابه نشین اولمازیدی آل الله
.
پیمبر امرینه گر امت ایلسیدی وفا
حسین دوداقلارینا دگمزیدی چوب جفا
.
نه ظلملر که گوروب «ناصر» اهل بیت نبی
ثقیفه بیعتیدور اُول جفالرون سببی
.
.
#پیامبراسلام_شهادت
#او_گون_که_ایلدی_رحلت_رسول_عالمیان
#پیامبراسلام_ناصر_اردبیلی
#ترکی
.
#زبدةالاشعار
.
: @nohe_torki