زبدةالاشعار

رحلت ائدیب پیمبر ، عالم سراسر آغلار #پیامبراسلام_رضوی_زنجانی

رحلت حضرت پیامبر گرامی اسلام
.
✍️ #زبدةالاشعار ✍️
.
🆔: @nohe_torki
.
#سبک_احوالیمیز_یاماندی
.
رضوی زنجانی
.
رحلت ائدیب پیمبر ،
عالم سراسر آغلار
قاره گییوب بو غمده ،
خاتون محشر آغلار
.
پیغمبر خدایه هنگام رحلت اولدی
یثرب دوشوب صفادن برپا قیامت اولدی
زهرایه بو مصیبت اعظم مصیبت اولدی
ای وای بابا دیینده گویده ملک لر آغلار
.
ئولدی شه مدینه یثربده دوشدی غوغا
اشگ غمین عذاره جاری ائدردی زهرا
عالمده چاتدی باشه عمر شریف طاها
زهرا سالوبدی باشه بیر قاره معجر آغلار
.
یومدی گوزون جهاندان اول شهریار محشر
گون تک غروب ائدیبدی بو کائناته زیور
پروانه ائدیبدی روحی اول ماسوایه مفخر
طاها گئدیبدی الدن آل پیمبر آغلار
.
سسلندی گئتمه بابا بو غم منه گراندی
سنسن امید زهرا یومّا گوزون اماندی
ای کائناته سرور قلبیم بو غمده قاندی
گُل تک حسینده صولدی اول ماه منظر آغلار
.
زهرا دییردی صبر ائت ای خلقته عصاره
ائتمه غمینده بابا بو قلب زاری یاره
سنسیز دونر بو صبحیم عالمده لیل تاره
باشیندا قاره معجر زهرا مکرّر آغلار
.
اشگ غمیم رواندی صبر ایله گئتمه بابا
قلبیم غمینده یاندی صبر ایله گئتمه بابا
یوخ بیر کسیم اَماندی صبر ایله گئتمه بابا
طاها غمینده یاران فتّاح خیبر آغلار
.
پیغمبرین غمینده زهرا گلوب فغانه
یثرب اولوب سیه پوش غم چاتدی آسمانه
قلب جهان دونوبدی بو غمده لخته قانه
دوشموش کسوفه خورشید ماه منوّر آغلار
.
.
.
#پیامبراسلام_شهادت
#رحلت_ائدیب_پیمبر_عالم_سراسر_آغلار
#پیامبراسلام_رضوی_زنجانی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  در دیار عارفان عرفان سرا دارد حسین #خروج_مکه #هدایت_تبریزی

نظر

  • با سلام و تشکر از زحمات شما/ پس زمینه سایت رو تیره کردین اصلا نمیشه پرینت گرفت، وقت پرینت تیره در میاد، اگه امکان داره زمینه رو سفید بکنید فونتها رو سیاه. ممنون

  • سلام و درود سرور گرامی
    ممنون از حضورتان در این مجموعه
    برای پرینت ، لطفا متن را کپی و از طریق word اقدام به پرینت کنید
    با تشکر

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی