زبدةالاشعار

او گون که درگهِ وحیی اودا چکوب ثانی #فاطمیه_افکاری_سردرودی

زبانحال حضرت زهرا سلام الله علیها با فضه
.
.
.
محمد افکاری سردرودی
.
او گون که درگهِ وحیی اودا چکوب ثانی
اوجالدی عرشه بتولین نوا و افغانی
.
شراره دوشدی دل داغداره گَل فضَه
اماندی ویرمه خبر شهریاره گَل فضَه
.
بو حالی قویما عم اوغلوم بوله اگر بولسه
یقین اَلین آتاجاق ذوالفقاره گَل فضَه
.
هوای سیم و زریله بو گون بو روبه لر
گََلوبله شیرین ایوینده شکاره، گَل فضَه
.
اوزوی صحن سرایه یتور امان گونودی
پیمبرین گُلی توش اولدی خاره گَل فضَه
.
هَله بابام منیم اوچ گوندی ایلیوب رحلت
غریبه حرمت اولوب سوگواره گَل فضَه
.
بهانه ایتدیله بیعت قضٌیه سین اَلده
وروبلا اود دَرِ عِزّ و وقاره گَل فضَه
.
چالشماقیم هدر اولدی یتشدی ایش او یره
قاپونی آچدیلا دوشدوم فشاره گَل فضَه
.
تهاجومون اثریندن بو صحن خانه مده
خطر یتشدی دُر شاهواره گَل فضَه
.
گورنمدیم بالامون حیف اولا صولان یوزونی
اُفول ایلدی مثل ستاره گَل فضّه
.
بالامدا قانه بویاندی اوزومده ظلمیله
بو داغداره اوزون ایله چاره گَل فضّه
.
بالالارم اَیاق آتدا قالوبدی فکر ایله
بولاری چکماقا بوردان کناره گَل فضّه
.
قیامت عالمینی صحن خانه ده گوردوم
اوزون یتور من زار و فکاره گَل فضّه
.
او سینه دن که اوپردی بابام، اوپوب مسمار
کمکلیق ایله منِ زخمداره گَل فضّه
.
تحمّلوم گیدوب اَلدن یارالیم اُلورم
قرار یوخدی دل بی قراره گَل فضّه
.
یتش هرایمه پهلولریم شکست اولدی
مغیره خنجری وردی دوباره گَل فضّه
.
بو سَسلری ایشدوب صحنه چخدی شیر خدا
نه گوردی فاطمه ایلور اشاره گَل فضّه
.
بودور بو دربدر ” افکارینون ” تمنّاسی
دوشن زمانیده من احتضاره گَل فضّه
.
خانملیق ایله خانم فاطمیله تا سنده
جنازه می آپاراندا مزاره گَل فضّه
.
.
#فاطمیه_شهادت
#او_گون_که_درگه_وحیی_اودا_چکوب_ثانی
#شراره_دوشدی_دل_داغداره_گل_فضه
#افکاری_سردرودی
#ترکی
.

متن پیشنهادی:  قلبیم غمیله دولسا اباالفضله آغلارام #عباسیه_انور_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی