حالات کوچ حضرت اباعبدالله الحسین (ع) از مکه
..
..
..
مرحوم عبدى قراملکی
..
..
..
او گونکه مکّه ده زهرا عزیزی میر عمیم
عدول عمره ایده حجّینیی دوتوب تصمیم
..
گوروبدی توطئۀ خصمی سرور آفاق
مصمّم اولدی اولا عازم دیار عراق
..
محمّد حنفیه اولان کیمی آگاه
حضور سیّد بطحایه گلدی طاقتی طاق
..
فدا اولوم سنه عرض ایلدی بویور قارداش
وصال وقتی ندن ایلوسن خیال فراق
..
طواف وقتیدی بیت اللهه گلور مردم
تعجبم بئله موقع ندور بو کوچ ایتماق
..
اگر بو امره مُسبّبدى خصم، مکه ده قال
خلایقه بو یری دارالامن ایدوب خلّاق
..
خطرده دور منه فرمایش ایتدی دارالامان
اولوبدی قتلیمه آماده فرقۀ فسّاق
..
مصمَّم اولموشام عزم دیار کوفه ایدم
عراق ملکینه قارداش گرک گیدم بو ایاق
..
محمّد حنفیه بو سوزده عرض ایتدی
وجودی ای اولان آفاقه علت ارزاق
..
عراقه ممکن اگر اولسا گتمه گیت یمنه
اقامت ایله یمنده او شهر لَرده فواق (1)
..
فدا اولوم سنه پیمان شکندی کوفه لیلر
نشان ویروبله یازان نامه لرده گر چه وفاق
..
قتیل تشنه ایدر اهل کوفه مهمانی
ویرر تنورده یر کوفیان چاغیرسا قوناق
..
آچوبدی درج دهانین گنه او درّ نثار
دوباره اولدی شکفته مثال غنچه دوداق
..
بویوردی بو گجه گیت فکر ایدوم صباح اولسون
نه اولدی فکری دیسون اشگیله بو دیده دهاق (2)
..
گیدوب صباح گلوب بولمورم نه حالیله
باخوب نه گوردی محمد که باغلانوب اوساق(3)
..
اولوب کجاوه نشین بانوان ملک حجاز
کجاوه دامنی مه رولره اولوبدی محاق
..
دیدی امامه دیدون فکر ایدوم – نه فکر ایتدون
ندور سبب ایدوسَن ترک کعبه نی بو سیاق
..
بویوردی جدّیمی گوردوم من حال رؤیاده
دیدیم نه حالدیَم ای بابا گوزوندن ایراق
..
باخوبدی حالیمه اشگیله دولدوروب گوزونی
نثار صورتینه ایتدی گوهر اعلاق)4(
..
بیوردی حقّ سنی ایستیوب شهید اولاسان
وجود پاکون اولا ظلمیله غلاف یراق(5)
بو امر امر خدادور – محمّد عرض ایلدی
نه سوز بو امرده مختومدور لب و مغلاق(6)
..
ولی بنات رسول خدانی سالما چوله
اماندی گیتسن ئوزون گیت آپارما عورت اوشاق
..
بویوردی بو سفره زینبیمده گتمه لیدور
بو طرز باغلانوب اوّلده ایتدیقیم میثاق
..
بو سُرخ نهضته منله شریک اعظمدور
چکر دمشقه باجیم زینبی گروه شقاق
..
ایله بو سوزده محمد چکوبدی دلدن آه
قاتوبدی خون دله اشکینی او محنتی شاق
..
آچوبدی قارداشینون بوینونا قولون سالدى
اولوبدی هر ایکی قارداش بیری بیریله عناق (7)
..
همین او حالده غم کاروانی یوللاندى
که صادر ایلدی امر رحیلی حقه یتاق(8)
طواف کعبه آماله باغلیوب احرام
وصاله عاشق شوریده سر اولوب مشتاق
..
کمال شوقیله بیت خدانی ترک ایتدی
یانندا جان به کف و صف شکن وفالی رفاق
..
وفایه باخ نجه گور با وفادی انصاری
ویروب ئوز عورتینه نچه سی گلنده طلاق
..
ایدوبدى طى منازل او کاروان نچه گون
یتوبدى بیر یره القصه راهیان عراق
..
1- فواق=مدت کم
2-دهاق=لبریز
3-اوساق= بار شتر
4- اعلاق=پر بها
5- براق=شمشیر
6-مغلاق=زبان
7-عناق=هم آغوش
8- یتاق=نگهبان
..
..
#خروج_مکه #عبدی_قراملکی #ترکی #زبدةالاشعار
نظر دهید