در مدح و منقبت امیر خیبر گشا امیرالمؤمنین (ع)
.
.
مرحوم قمری
.
.
اى میر مجلس حرم کبریا على
چرخ و جلال و رفعته شمس الورا على
.
ماهیّتون بناى وجود مکوّنات
هر خلقتون هدایتینه مبتدا على
.
مصباح بزم عالم ایجاد کائنات
ظلمات دارکونده بدر الدجا على
.
ذات صفاتى آئینۀ صنع ذوالجلال
مفتاح کنز رحمت بى منتها على
.
صدر منیرى مخزن اسرار لم یزل
یا منبع الکرامة عین السخا على
.
کرسى و عرش و لوح و قلم استقامتى
نوریندن آفتابه ویرن انجلا على
.
فطرتده نور خلقتى نور اصل ذاتى نور
اوج علاده نیّر نور ولا على
.
سنس یتن دنى فتدلّى مقامینه
معراجیده محمّدیلن هم صفا على
.
قرآنه دقت ایلسه هرکیم ورق ورق
کلاً اشاره دور سنه یا مرتضى على
.
قرآن حق ناطق اوزون سن سنینله دور
هر اختیار کل جهان ماسوا على
.
سن الف لام میمده سن ذلک الکتاب
لاریب فیه ضِمّینه نور هدا على
.
تفسیریدور ولیّکم اللّه شأنیوه
محصور حصر مرحلۀ انّما على
.
بسدور خطاب انفسنا قدر جاهیوه
کافى دگل که فضلون ایچون قل کفى على
.
شأنونده اوچ یوز آلتمیش آیات بیّنات
وصفون دیر تمامیسى چون هل اتى على
.
والشّمسدن مراد جمالون شعاعیدور
مصداق اهل شعشعۀ و الضّحى على
.
سن لفظ والسّماء ده ذات البروجیسن
اولاد اطهروندى بروج السّما على
.
والعادیات دلدلوون وصف نعلیدور
اى معرض قتالیده صاحب لوا على
.
خندق گونى ووراندا قلج عمر عنتره
اللّه ذوالجلال دیوب مرحبا على
.
بیر ضربتون اولوب ثقلینون عبادتى
منکر دگول بو مطلبه شاه و گدا على
.
مرحب ندور دوام ایلیه ضرب و شستیوه
دار فنانى صولتون ایلر فنا على
.
آلدون ال اوسته خیبرى مانند پرّ کاه
اولسون گوروم او اللّره جانیم فدا على
.
عیسى تکلّم ایلدى گهواره ده اگر
سن مهد ایچینده پاره لدون اژدها على
.
هر مشگله دوشن چاقورور دادینه سنى
سنسن تمام عالمه مشگل گشا على
.
مرّه ابن قیس داخل اولاندا رواقیوه
اول بى ادب لعینه یتوردون جزا على
.
کسدون او کافرون باشینى ذوالفقار سیز
انگشتون اولدى دشمنه برق بلا على
.
قربان او دست یداللّهه شیعه لر
اى قبر ایچینده نعشیده معجزنما على
.
مدحون ویرور ئورکلره گول تک عجب صفا
اى وصفى هر مجالیسه بهجت فزا على
.
احبابیلر تمامیسى قربان جلالیوه
عرش اوسته شأنیوه اوخونان لافتى على
.
هر بارماقون اشاره سى مین ذوالفقار یدور
اى ذوالفقار صاحبى شیر خدا على
.
حکم خطاب آیۀ یا ایّها الرسول
تبلیغینه وصایتیون مدعا على
.
خمّ غدیره منزلى حجّ الوداعده
قیلدى سنى یرینده وصى مصطفى على
.
بولمم سبب نه اولدى که باغلاندى قولّارى
قویدون عجب بساط مصیبت فضا على
.
غلطان اولاندا قانیوه محراب کوفده
بیلمم نچون داغیلمادى بو نه سما على
.
تابوتیوى آپارماقا گلدون گنه اوزون
حیراندى معجزاتیوه هر انبیا على
.
محشر گونونده شیعه لرون سن پناهى سن
کل اختیار مجمع دارالبقا على
.
هر کیم جلال دامنیوه چنگ وورماسا
روز جزاده دردینه اولماز دوا على
.
بیر سرّیدور شهادتیوون اوزگه سرّی وار
هیچ کیمسه بولمیوب ندى بو ماجرا على
.
قمرى هواى گلشن وصلونده بیقرار
دوتموش عجب ترانۀ شور و نوا على
.
سورته گرگ قرا یوزوینى آستانیوه
یا مدفنى نجف اولا یا کربلا على
.
.
.
#حیدریه #قمری #حیدریه_مدح #ترکی #زبدةالاشعار
نظر دهید