توسل و سلام به حضرت ولی عصر (عج)
.
#زبدةالاشعار
.
: @nohe_torki
.
مرحوم صحاف تبریزی
.
اَلسَّلام ای دین اسلامین پناهی اَلسَّلام
اَلسَّلام ای اهل دینین دادخواهی اَلسَّلام
.
.
قیل نظر لطفیله شاها شیعه لر احوالینه
بو گونون یورقون زمانی یوزده اشگ آلنه
وار یری قان آغلاسون هر تک تکی اوز حالنه
ای هامی بیکس لرین أمّیدگاهی اَلسَّلام
.
.
گون غروب ائتدى شها شب سالدی ظلمت پرده سین
ایلدی ظلمت طنین انداز بیکس لر سسین
بو دل شبده نشان ویرسن جمالون جلوه سین
شرمگین ایتسون جمالون مهر و ماهی اَلسَّلام
.
.
آشکارادور سنه هر حالده احوالیمیز
گون کیمی دوشمش خفایه کوکب اقبالیمیز
ایلیوب سندن خجالت نامه ی اعمالیمیز
ای دوتان نادیده بیزدن هر گناهی اَلسَّلام
.
.
ذوالفقاره چوخ باخوب توکمه یوزه اشک ترون
گزمه حیران چوللری قوینوندا حسرت اللرون
دردینه گل چاره قیل بیچاره و بیکسلرون
ای ائدن مین مرده احیا بیر نگاهی اَلسَّلام
.
.
آلدی دللردن توان شاها بو طول غیبتون
قوی قدم بیردم رکابه ویر نشان اوز قدرتون
معنی الله نوری ظاهر ایتسون طلعتون
ای یوزی مشکوة انوار الهی اَلسَّلام
.
.
بیز گنهکاروخ اگر چه ای شه والا مقام
آغلاروخ امّا حسینون محنتنده صبح و شام
جدّیوون دشمنلریندن آلمینجا انتقام
ساکت اولماز دللرین بو سوز آهی اَلسَّلام
.
.
چوخ مصیبتلر ایدوب شاها سنی گرچه ملول
هر بلانی أیتمسوز ذرّ عالمنده سیز قبول
لیک چوخ غم چکدی جدّوندن صورا جَدّه ن بتول
بیر شب یلدایه دوندی صبحگاهی اَلسَّلام
.
.
امّت بیشرم و عار اوچ گون پیمبردن صورا
ووردیلار درگاهنه اود ظلم الیله برملا
یتدی بیر صدمه او خاتونه در و دیوار آرا
خالق عالمدی اول ظلمون گواهی اَلسَّلام
.
.
نیلمیشدی حضرت زهرا وفاسیز امته
سالدیلار بو امت بی شرم اونی چوخ محنته
قوللاری سندی بالاسی ئولدی دوشدی زحمته
اولمادی بیر کس آنان زهرا پناهی اَلسَّلام
.
.
کاش اولیدون سن او گونده ای شه مالک رقاب
گردن شیر خدایه باغلانان وقته طناب
قانینه غلطان اولان گون دختر ختمی مآب
ثانی آچدی کربلایه ظلم راهی اَلسَّلام
.
.
گورمسیدی ثانی زهرایه ایله ظلمی روا
کربلاده زینبه ویرمازدی قمچی اشقیا
ذکریمیز بیر عمردور اولموش حسین و کربلا
کربلا ایستر گوگل نه عزّ و جاهی اَلسَّلام
.
.
ایلروخ بیر عمردور شاها اورکدن آرزو
بیر اولیدوخ آلتی گوشه قبریله بیز روبرو
اشکیله گرد و غبارین تا ایدیدوخ شستشو
دیده گریان بیر گزیدوخ خیمه گاهی اَلسَّلام
.
.
اولما راضی سن شها بو حسرتیله بیز قالاخ
حقّدن ایسته او آلتى گوشه قبره قول سالاخ
یوز قویوب پائین پاده أکبرین عطرین آلاخ
عرض ایداخ ای کربلانین پادشاهی اَلسَّلام
.
.
ای بو یرده جان ویروب لب تشنه مقصوده چاتان
باش ویروب راه وفاده عالمی گوزدن آتان
سینه سینده اصغری بو قبرده راحت یاتان
عرشدن برتر اولان بو قتلگاهی اَلسَّلام
.
.
قبر عبّاسه بو جمعیله قویاخ اوز دلغمین
عرض ائداخ ای سو کنارینده سوسوز قربان دین
بیدقون یاندی اوجاتدون سن بو دینون پرچمین
ای شه دنیا و دینون سر سپاهی اَلسَّلام
.
.
اون نفر بو لیله ی میلاد زهرای بتول
ویردی دم صحّافه کام دللری تاپدی حصول
ایلسون بو جمعدن بو خدمتی الله قبول
خالق آباد ایلسون بو خانگاهی اَلسَّلام
.
.
#مهدیه_صحاف_تبریزی
#السلام_ای_دین_اسلامین_پناهی_السلام
#ترکی
.
#زبدةالاشعار
.
: @nohe_torki
نظر دهید