زبانحال حضرت زینب (س)
.
✍️ #زبدةالاشعار ✍️
.
🆔: @nohe_torki
.
مرحوم معزی اردبیلی
.
قباله اوسته الهی ننم فشاره دوشوب
جوان ئولوب من بیچاره دن کناره دوشوب
.
ترانۀ غم و هجران اوخور هزاره لری
نه آفتیدی؟ چمنزاره لاله زاره دوشوب
.
بیزیم ایویدی فقط یر یوزونده محبط وحی
همان ایوون قاپوسی ناریلن حصاره دوشوب
.
دیدیم قاپوسی یاناندا سناندا پهلوسی
آنامدان حیف اولا یارب بو روزگاره دوشوب
.
چکیلدی بش آدا معناده قرعۀ سیلی
چخوبدی فاطمیه دیللره شراره دوشوب
.
بهشتون حوریلری اعتراض ایدوب دیدیلر
پوزون او قرعه نی زهرای رستگاره دوشوب
.
دیدی او بش نفر اولسون درباره قرعه کشی
فرشته لر اوره گی یوخسا آہ و زاره دو شوب
.
دوباره مریم و سارا و هاجر و حوا
چکو بله قرعه نی، قرعه اونا دوباره دوشوب
.
زمانه ایلدی آخرده قرعه نی تأئید
وورولدى مدرکی تپراقه پاره پاره دوشوب
.
یوزونه دشمن ایله کوچه ده ووروب سیلی
نه گوردی بارماقینون ردّی گلعذاره دوشوب
.
قالانمادی ایاق اوسته یخلدی ال یوزده
ایکی بولوندی قولاقینده گوشواره دوشوب
.
او گوشواره نین هر پارہ سین دیردی گوری
نظامیدن یره گویا چخوب ستاره دوشوب
.
سولار گلون یوزی گلشنده فصل پاییزده
گل مُحَمَّدینون سولماقی بهاره دوشوب
.
اوز حقّی اوسته اولوب سیلیدن یوزی تیلی
وورولدى قانلی لکه چشم اشکباره دوشوب
.
ساقین صولین آلوب آغلار گوزیله دورد بالاسی
گولون کنارینه مثل اینکه دورد هزاره دوشوب
.
منى چاغوردی وصیتلرین آنام ایلسون
ائلیکه گوردی او گون حال احتضاره دوشوب
.
امانتین منه تاپشوردی حالیدن گیتدی
دیلینده یاحق منان نفس شماره دوشوب
.
وئرنده مغسلون اوسته بابام گیجه غسلین
یارالی سینه سینه نور مه نچاره دوشوب
.
اورکده تابی گیدوب تکیه ایتدی دیواره
نه بولگیدور دیدی زهرای با وقاره دوشوب
.
وطن غریبینی گیزلین وطنده دفن ایلدی
اوتوردی آغلاماقا گوزلری مزاره دوشوب
.
بیوردی فاطمه قویدون یاخامی اللرده
مصیبتون کوزی بو قلب زخمداره دوشوب
.
حسین دینده ننم گوگلیمه دوشوب نه دیوم
نجه دیوم کی یولی زیر خاک تاره دوشوب
.
.
#فاطمیه_معزی_اردبیلی
#فاطمیه_شهادت
#قباله_اوسته_الهی_ننم_فشاره_دوشوب
#ترکی
.
✍️ #زبدةالاشعار ✍️
.
🆔: @nohe_torki
نظر دهید