زبانحال امام حسین (ع) در بالین حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
ستار رزاقی تبریزی
.
اَماندور آچ گوزون ای گوزلری شهلا علی اکبر
فراقون دَردی مَندن سَلب ایدوب یارا علی اکبر
.
.
وصال حضرت جانانه خاطر عالمی آتدون
بویولدا شوقیله جاندان گیچوب جانانیوه چاتدون
ائوزون راحت اولوب امّا منی بوغمده آغلاتدون
توان آلموش آتاندان بو غم عُظما علی اکبر
.
.
بیله ایستی قوم اوسته ای منه روحِ روان یاتما
گوز آچ ای دار غربتده منی یالقیز قویان یاتما
اورَکده وار نه دردین دور منه ایله بیان یاتما
نه ظلم ایلوب سنه تاکی گوروم اعدا علی اکبر
.
.
ووروبلار جسمیوه بی حَد یارا گُل مثلی خنداندور
داغیلمیش لاله تک توپراقلار اوسته سربه سر قاندور
سنون احوالیوه مظلوم آتان محزون و گریاندور
خراب اولسون گوروم سندن صورا دنیا علی اکبر
.
.
دَگَن گُل جسمیوه خَنجردی داشدی نیزه دی اوخدی
زبس چوخدور جراحت اُپماقا بیر بوسه گه یوخدور
مَنی قویما اوغولسوز بوردا درد ومحنتیم چوخدور
رضا اولما قالیم اشرار آرا تَنها علی اکبر
.
.
اوغول داغی یاماندور گَل مَنی بو محنته سالما
منه آرام جان آچ گوزلرون آرامیمی آلما
دور اخیامه گیداق توپراقلار اوسته یاره لی قالما
حرمدن گورنه قالخور بانگ واویلا علی اکبر
.
.
اوغول داغی اگرچه سختیدور ای نوگُل زیبا
وورار قلبه یارا هم جسمیده قویماز قالا یارا
ولی صبر ایلَرَم غمدن گلایه ایتمَرم اصلا
ازل گون ایتمیشم چون یاریله سودا علی اکبر
.
.
رَه جانانیده هر درد وغم گلسه خریدارم
نه اینکه روز ازّلدن مطیع حکم دادارم
نه سن بلکه ائوزومده رهسپار مَحضر یارم
ائولومدن آل هاشم ایلَمَز پرَوا علی اکبر
.
.
بو دشت کربلاده دین یولوندا قانیوه باتدون
شهادت جامینی نوش ایلیوب آمالیوه چاتدون
ائوزون کامه چاتوب امّا منی بو غمده آغلاتدون
بو عشقه مَرحَبا ایتدون عَجَب غوغا علی اکبر
.
.
سنی آهو کیمی سالدی کَمَنده رَحمسیز اعدا
هَرَه بیر نوعیله ایلوبدی جسم پاکیوه ایذا
ووروبلار بس کی یاره سنده اصلا قالموری یارا
بو غمده وار یقین آغلور آنام زهرا علی اکبر
.
.
اگر احوالیوی گورسه آنان لیلا فغان ایلر
آچار باش نعشین اوسته عارضه اشکین روان ایلر
بالام وای سسلیوب درد دِلین بیله بیان ایلر
یقین سندن صورا قالماز آنان لیلا علی اکبر
.
.
آتام حیدر کیمی باشینده وار یاره آخور قانی
گورَنده عرشه اوج ایلور آتان فریادو افغانی
گوره کیم تاب ایدَنمز سنده بو حال غم افزانی
ایدر غم مجلسی بو دشتیده برپا علی اکبر
.
.
سنی از بس گوزل خلق ایلَمیشدی خالق داور
اودور حُسنون گورَنده یاد اولاردی حُسن پیغمبر
بو چولده حیف اولا بیر ظلم ایدیبدور فرقه کافر
کی جسمون پرپر اولموش چون گُل حُمرا علی اکبر
.
.
سنون احوالیوه دنیا بویی اهل وَلا آغلار
سالوب یاده بو غملی حالیوی ایلر نوا آغلار
بو غمده سس چکوب رزاقی دا صبح و مسا آغلار
دئیَر بو نوکره ایله نظر آقا علی اکبر
.
.
#اکبریه_ستار_رزاقی
#اکبریه_شهادت
#اماندور_آچ_گوزون_ای_گوزلری_شهلا_علی_اکبر
#ترکی
.
✍️ #زبدةالاشعار ✍️
.
🆔: @nohe_torki
نظر دهید