اکبری میدانِدن، شاه جهان آختارور #اکبریه_عاصی_تبریزی

جستجوکردن امام مظلوم (ع) بحضرت علی اکبر (ع) در میدان
.
#زبدةالاشعار
.
: @nohe_torki
.
#سبک_ای_دل_اگر_عاشقی  
#سبک_می_گذرد_کاروان ( با اضافه کرده واگیر )
.
مرحوم عاصی تبریزی
.
اکبری میدانِدن، شاه جهان آختارور
جان کیمی جان اوسته بیر، تشنه جوان آختارور
.
.
اوغلونی تاپماقلیقا گرچه واریدی شتاب
گئتماقا قویمور ولی دلده اولان اضطراب
هرنه اوغول سسلوری گلمور اوغولدان جواب
اَینَ علی ذکر ائدور ناله کنان آختارور
.
.
آتش هجره یانور جسمی دوتوب اود دلی
غصه گلوگیر ائدوب دوتمور او شاهون دلی
بسکه دوشوب قوّه دن دیزلری گلمور بئلی
قدّی کمان باغبان سرو روان آختارور
.
رزمگه عشقدن اکبرین عطرین آلوب
لیک اوغول سسله ماق اول شهی دیلدن سالوب
سسلوری سس گلموری گوزلری آغلار قالوب
مصرعنه قان ریزین یرده نشان آختارور
.
.
بیر یره یتدی تاپوب مظهر پیغمبری
گوردی یخوبلار یره اوغلی علی اکبری
باش یاریلوبدور آخوب قانی دولوب گوزلری
گوزلری شهزاده نون شاه جهان آختارور
.
.
بولمورم آتدان نئجه اولدی پیاده او شه
مصرعنه اکبرون تاپدی نه نحویله ره
باخجاق اوغول نعشنه یوز وئروب حال وله
پیک اجل اوغلونی گوردی عیان آختارور
.
.
گرچه ازل که نظر طاقتین ائتمیشدی طاق
صبرینی آلمیشدی بیر محنت مالایُطاق
فکرینی ائتدی عوض دلده اولان اشتیاق
درد دله شاه دین تاب و توان آختارور
.
.
گه چکور آغوشنه صبر دل جانینی
گه سیلوری آغزینون توپراقنى قاننی
ایستوری حمل ائیله سین خیمیه قربانی
نعشنه حامل شه کون و مکان آختارور
.
.
چخدی او دم خیمه دن زینب عصمت مآب
یوزده سرشگ بصر مضطرب و دل کباب
گاهی حسینی گهی اکبری ائیلور خطاب
هر ایکی روحین گزور خاطرى قان آختارور
.
.
نعش علی اکبره یتجک او ناموس حق
باخدی گوروب گوئیا گل داغلوب بیر طبق
نطقین آلوب یاره لر تنده ولی وار رمق
درد دل ائتماقلیقا نطق و بیان آختارور
.
.
سو کیمی چکدوقجه دم یاره لری قان وئرور
اکبرون أحوالنی شاه دین اعلان وئرور
یعنی آتائیلن بالا هر ایکسی جان وئرور
بیر سوسوز حلقی حسین تیغ و سنان آختارور
.
وئردی تسلی همان حالده قارداشنا
قارداشیدا بیر عبا سالدی باجی باشنا
سویلدی تخفیف وئر یوزده کی گوز یاشنا
باجی بئله حالیمی شمر و سِنان آختارور
.
.
ائتمه نوا توکمه چوخ گوز یاشوی دامنه
دورما قایت خیمیه گلمه بئله شیونه
آغلاما سن آغلاسان باجی یترغم منه
اهل جفا بیر بئله حالی اینان آختارور
.
.
بار تکلّف منیم قدیمی ائیلوبدی خم
اکبریوه یاحسین من سنی وئرم قسم
گل آقالیق ائت گیلن مندن ائیله دفع غم
عاصی هر ایکی جهان عزّت و شأن آختارور
.
.
#اکبریه_عاصی_تبریزی
#اکبریه_شهادت
#اکبری_میداندن_شاه_جهان_آختارور
#ترکی
.  
#زبدةالاشعار  
.  
: @nohe_torki