« هر گون منه عزادی مُحَرَّم دی #یاحسین »
#گریز به #عباسیه_شهادت
.
.
.
مرحوم شب خیز
.
.
مستانه عالمین عجب عالمدی یا حسین
بو عالمینده محو ایکی عالمدی یا حسین
.
.
عالملره سالوبدی عجب سایه رحمتون
ذوق و صفا ویروب ایکی دنیایه رحمتون
باغ بهشته اولماسا پیرایه رحمتون
عاشقلره بهشت جهنمدی یا حسین
.
.
عالمده سن کیمی هانی سلطان محتشمم
خلقتده اولموسان کرم و لطفده علم
اهل کرم قاپوندا شرفدن اولوب خدم
واضحدی اونلارین بیری حاتمدی یا حسین
.
.
محتاجدور قاپوندا هامی التفاتوه
دنیاده لطف و حشرده رحمت براتیوه
مشتاق ، خضر تک سنون آب حیاتیوه
کوثردی سلسبیلدی زمزمدی یا حسین
.
.
سینمده حشر اولونجا سیلنمز گوزل آدین
گئتمز اورکدن آند اولا اوز حقیوه یادین
بو خلقته دلیل دور آبا و اجدادین
هر تک تکی کریم مکرمدی یا حسین
.
.
ملک جهانه مایۀ شوکتدی شوکتون
حیرتده ماسوانی قویوب شان و عزتون
ای مایۀ جلال بو جاه و جلالتون
خلقتده رشگ عالم و آدمدی یا حسین
.
.
سلطان ماسوایه نه لازمدی تخت و تاج
تندیس محض عزته عزت نه احتیاج
عزتدن عزتوندی آلان هر زماندا باج
اَوَّلدن عزّ و فرّ سنه همدمدی یا حسین
.
.
عالمده اهل عشق منافق اولار مگر
مین اوزلی لر بو درگهه لایق اولار مگر
عاشق بیر اوزلی اولماسا عاشق اولار مگر
عشاقه صدق شرط مسلمدی یا حسین
.
.
بیر عمر اسیر طرّۀ طرارون اولموشام
قید محبتونده گرفتارون اولموشام
ایللر بویی جهاندا عزادارون اولموشام
خوش یئرلریم محافل ماتمدی یا حسین
.
.
من عاشقم سنه سر و سامانی نیلورم
سن سیز بهار و باغ و گلستانی نیلورم
جانان گر اولماسا قوری بو جانی نیلورم
جانیمدان عشق یار مقدَّمدی یا حسین
.
.
اُمّی بیر عاشقم نه سوادیم نه دفتریم
تقویم بیلمرم ایتوب آباندا آذریم
بیلمم ندور ایلیم آیم هفتمله گونلریم
هر گون منه عزادی مُحَرَّم دی یا حسین
.
.
#گریز #عباسیه_شهادت
.
.
چوخدور جهاندا عشقدن البته دم ووران
عاشقلرین یولوندا یالاندان قدم ویران
عباس تک بو عرصه ده یوخدور علم ویران
بو ادعا اولاردا همان دمدی یا حسین
.
.
عباس اوز عشقین ایلدی اثبات عالمه
گوستردی بو یولی عملاً نسل آدمه
تاپدی او چولده عشق حقیقتده خاتمه
شاهد بو عشقه مشکیله پرچمدی یا حسین
.
.
صحرای کربلاده او گون لشگر ظلم
عشق اوسته قوللارین ائلدی ظلمیله قلم
سعی ائتدی جنگه بلکه نگون اولماسین علم
واله بو عشقه ایندیده عالمدی یا حسین
.
.
عباسه عشقده هانی مثل و بدیل اولان
کوی وفاده تشنه یارالی قتیل اولان
عاشق لر ایچره یوخ اونا کیمسه عدیل اولان
چون عشقیئیله همتی توأَمدی یا حسین
.
.
آتدان دوشنده توپراقا فریاده سسلدی
چوخ خجلتیله حضرتیوی داده سسلدی
حتماً دلیلی وار بئله امداده سسلدی
هر چند علتی بیزه مبهمدی یا حسین
.
.
مرکبدن اُول زمان که یئره ایلدی نزول
سسلندی بنده وین ائله بو خواهشین قبول
گل قویما ال تاپا منه بو فرقۀ جهول
گرچه جنابیوا غم اعظمدی یا حسین
.
.
گل گل ترحم ایله کسیب لر امانیمی
قوللار دوشوب الیمدن آلوبلار توانیمی
کافرلر ایندی توکماقا ظلمیه قانیمی
ناحق یئره بو چولده مصممدی یا حسین
.
.
قارداش گل استعانته اللرده قالموشام
رخصت بئله چاغیرماقا زهرادن آلموشام
هر چند زحمته سنی بو چولده سالموشام
عفو ائت بو آخرین الم و غمدی یا حسین
.
.
فخر ایلرم که شاعر و مداحیوام سنون
امید و ملجائیمدی سنون لطف و دامنون
آند اولسون اوز جلالیوه اول خاک موفنون
#شبخیزه کعبه دنده مقدَّمدی یا حسین
.
.
#ورود_محرم #حسینیه_مدح
#مستانه_عالمین_عجب_عالمدی_یا_حسین
#شبخیز #ترکی #حسینیه
#زبدةالاشعار
نظر دهید