شهادت حضرت جواد علیه السلام
.
✍️ زبدة الاشعار ✍️
?: @nohe_torki
.
اکبر پورآقا
.
اگر مجنون سنی گورسه، کچر لیلادن آد اولماز
گوزل حوسنون گورونسه گر که یوسفدن ده یاد اولماز
.
سنون عشقون معینیمدی ره و آیین و دینیمدی
بلی سنسیز یقینیمدی بو دینه اعتقاد اولماز
.
اگر تاریخیده حاتم اولوب ضرب المثل، والله
نقدری اولسا بخشنده سخاوتده جواد اولماز
.
روایت وار که دنیاده کرامت صاحبی سنسن
سخاوت درگهون مولا مگر باب المراد اولماز؟
.
سنون لطفوندی که گردش ائدوللر روز و شب،یعنی
اجازه ویرمسون خورشید و ماهه بامداد اولماز
.
اولوبدور بامداد اما یاتوبسان بامده مولا
آییلمورسان نیه آقا گیدورسن جنته گویا
.
پر و بال آچدیلار قوشلار سنه تا سایه سالسینلار
نه بیر ساعتده، اوچ گون ایتدیلر نیت که قالسینلار
.
ولی هاردیدوز آی قوشلار یاغاندا نیزه و اوخلار
حسین مقتلده دوشموشدی قالوبدور قیزلاری آغلار
.
بلا دشتینده واویلا اولوب دریای خون بر پا
دیور بیز قیز «بابا بابا» بو نوعیلن اونی اوخشار
.
سوسوز جنگه گیدن بابا شهید بی کفن بابا
قیزون بوندان بئله بابا باشا دائم قرا باغلار
.
#جوادیه_مدح
#جوادیه_شهادت
#اگر_مجنون_سنی_گورسه_کچر_لیلادن_آد_اولماز
#اکبر_پورآقا
#ترکی
.
✍️ #زبدةالاشعار ✍️
?: @nohe_torki
نظر دهید