وداع حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
کریمی مراغه ای
.
#سبک_علی_جان_بالا_لبیک
مشابه
.
ایاق ساخلا دایان دور جوانیم آنان ئولسون
سولان لبلره قربان بوجانیم آنان ئولسون
.
.
گولوم بولبولوم اکبر ، منیم سوگلیم اکبر
قرا کاکلیم اکبر ، صفای دلیم اکبر
اگر گیت سن اورکده قالار نسگلیم اکبر
دایان باشیوه بیرده دولانیم آنان ئولسون
.
.
نه عزّتله گتوردون منی سن بو دیاره
قویوب ایندی گیدورسن ندور بس منه چاره
آپار تاپشور آناوی بی بون زینب زاره
منیم بیرکسه گلمور گمانیم آنان ئولسون
.
.
قرا گوزلرین اوسته کمان قاشیوه قربان
ایدن حسنوی تکمیل او نقّاشیوه قربان
آخان گونه لروندن او گوز یاشیوه قربان
دیدیم دردیمی دوتمور زبانیم آنان ئولسون
.
.
گیدیرسن غم هجره آناندا دوزوم اولماز
آدوندا صورا دیلده بیر آیری سوزوم اولماز
یانار حالیوه چوخلارولیکن اوزوم اولماز
چیخار گویلره سن سیز فغانیم آنان ئولسون
.
.
دیدیم قرمیزی سالام طویوندا باشا اکبر
آنالیقدا وفامی یتوررم باشا اکبر
بوگون شیشه صبریم چالاندی داشا اکبر
اولوب سوز باشی ورد زبانیم آنان ئولسون
.
.
یقین اولدی غمیندن سینم داغلاناجاقدی
گیدوب جاه و جلالیم خیامیم یاناجاقدی
دگوب باشمه قمچی قولوم باغلاناجاقدی
اولار کنج خرابه مکانیم آنان ئولسون
.
.
چاغیر داده آناوی اَل اَلدن اوزولنده
یوزه قطره به قطره سرشگون دوزولنده
قرا زلفون اوجوندان قیزیلقان سوزولنده
گلیم منده اوقانه بویانیم آنان ئولسون
.
.
آتاندان خبر آلدیم نچه دفعه وطنده
هاچان طوی دوتاجاقسان علی اکبره سنده
دیدی صبر ایله لیلا سفردن قیدنده
اولور سودیمه غالب زیانیم آنان ئولسون
.
.
دیردیم منی حاشا نظردن آتار اوغلوم
وطنده دوتارام طوی مراده چاتار اوغلوم
قوجالسام یخیلاندا الیمدن دوتار اوغلوم
دوزلمز داخی قد کمانیم آنان ئولسون
.
.
دایان اوز الیمیله سالوم چگنوه قرآن
مگر شر عدودن سنی ساخلیا قرآن
کلام الله خاطر باشون کسمیه عدوان
کسیله باشون آرتار فغانیم آنان ئولسون
.
.
دایان آتش غمدن یانان دیللره خاطر
گلستان نبی ده سولان گوللره خاطر
یول اوسته اتگوندن دوتان اللره خاطر
گیدور سنله اورکدن توانیم آنان ئولسون
.
.
علی گیتمه آماندور بو آغ زفلره خاطر
بو یتمشدن اضافه قرا معجره خاطر
بشیگده سوسوزوندان سولان اصغره خاطر
اولان جسمیده روح و روانیم آنان ئولسون
.
.
بو محنتده «کریمی» گلر شیونه آغلار
یازار نوحه سرشگین الر دامنه آغلار
گهی بیکس آناوا علی گه سنه آغلار
ایاق ساخلا دایان دور جوانیم آنان ئولسون
.
#اکبریه_کریمی_مراغه_ای
#اکبریه_شهادت
#ایاق_ساخلا_دایان_دور_جوانیم_آنان_ئولسون
#ترکی
.
✍️ #زبدةالاشعار ✍️
.
🆔: @nohe_torki
نظر دهید