مناجات
.
#زبدةالاشعار
.
: @nohe_torki
.
مرحوم دلریش
.
ایا خدای جهان سندن ایسترم امداد
او قدر وئر منه عشق عالمینده استعداد
.
صفای قلبیله سیر ایلیوم بو صحراده
تاپوم حقیقته یول عاجزم بو سوداده
.
یتوبدی فیضون همیشه غنی و درویشه
الهی وئرگیله توفیق بو زار و «دلریشه»
.
بو نظمی یازماقا آرتیرگیلن توکّلیمی
که یا مفتّح الأَبواب آچگیلن دیلیمی
.
یقینیمی ائله یارب یقین اهل یقین
بولوم ندور بو ره عشقیده چنان و چنین
.
سیلینسه آینۀ قلبیدن بو زنگ غبار
همیشه اوندا اولور جلوه گر رخ دلدار
.
اولاندا شوق وصالیله قلب نورانی
گوروم معاینه هر آن جمال جانانی
.
همیشه سعی ائدرم سرحد کماله یتوم
ایتور میوم یولی ایمانیلن وصاله یتوم
.
اولار که واقفیدی شمه ای حقیقت دن
کناره قویمادیلار بیر قدم شریعتدن
.
گواهیم اول بو سؤزه ای خدای ارض و سما
شریک یوخدی سنه بی نظیر سن یکتا
.
قدیمسن بونا سؤز یوخ هامی اولوب قائل
نئجه قدیم سمیع و بصیر و هم عادل
.
بیری سوروشسه نبوتدن ایلرم اقرار
تمامی حقدی صد و بیست و هم چهار هزار
.
گلن بو عالمه اوّل جناب آدمدور
محمد عربی اوّلینده خاتمدور
.
رسالت امرینی کامل ائدن ولایتدور
اصول دین بلی بش امریدن عبارتدور
.
امام مفترض الطّاعه طاعتی واجب
اولوب بیزه اسدالله سرور غالب
.
بولن وصیّ بلافصل او سروری مطلق
گرک بوله بو شهون اون بیر اوغلینی برحق
.
دئسه بیری لم کیف گلنده تعداده
ضلالت اهلیدی یوخ اعتقادی میعاده
.
ولایت اولماسا اولماز عبث عباد تدور
بونی قبول ائلیین قبر ائوینده راحتدور
.
نه باکی واردی سؤال نکیر و منکردن
بو اعتقاد بله ایمندی هول محشردن
.
بهشت و دوزخ و نیران صراط اهل یقین
تمام حقّدی حقا بودور شرایط دین
.
واروندی هوش آییل ساتما دینی دنیایه
تغافل ایلمه جمع ائت ذخیره عقبایه
.
بو دهر فانیدن هئچ کیمسه گئتمیوب دلخواه
بو گون آغیرلاشور هر قدر چوخ اولا تنخواه
.
قدیم خمیده لنوب غرق بحر عصیانم
گئچوبدی عمر ولیک ایمدی من پشیمانم
.
ائدیم نه چاره الیم بوشدی هم یوزیم قاره
دوشنده معصیتیم یاده تاپمارام چاره
.
باخاندا من اوزیمه الده بیر عمل یوخدور
ولیک اسم غفوره امیدیمیز چوخدور
.
سالاندا قهریوی یاده گوگول اولور لرزان
باخاندا راحم و رحمانه محو اولور عصیان
.
همیشه صاحب جرم و خطا اولور بنده
کریم بنده سینی ایلمز سرافکنده
.
نقدر بندۀ عاصی ائدر گناه عظیم
حیا ائدر اونی رسوا ائده خدای کریم
.
تقدر اولسا گناهیم ایا خدای مجید
کریم سن کرموندن من اولمارام نومید
.
خدا قسم وئریرم مین بیر اسم رأفتیوه
او کارخانۀ خلقتده صنع قدرتیوه
.
به حقّ عرش برین و به حق جبرائیل
به حقّ لوح و قلم هم به حق میکائیل
.
به حقّ شأن و مقام جناب عزرائیل
به حقّ صاحب صور جناب اسرافیل
.
به حقّ گردش گردون کواکب و اختر
به حقّ باعث نور ضیاء شمس و قمر
.
به حقّ آدم و نوح و به حق خضر و خلیل
به حقّ حضرت عیسی به حق اسمعیل
.
به حقّ یوسف صدّیق و گریۀ یعقوب
به حقّ حضرت داود و حضرت ایوب
.
به حقّ یونس و الیاس و حضرت موسی
به حقّ شیث و شعیب و به حرمت یحیی
.
به حقّ احمد محمود و سیّد لولاک
اولان وجودی سبب خلقته و نُه افلاک
.
به حقّ شاه ولایت امام کون و مکان
وصئ ختم رسل قاسم جهیم و جنان
.
به حقّ زهرۀ زهرا شفیعۀ محشر
حبیبّ دو جهان مادر شبیر و شبر
.
به حرمت حسن مجتبا امام هدی
شهید زهر ستم جانشین شیر خدا
.
به حقّ خامس آل عبا شه کونین
شهید کرب و بلا تشنه لب امام حسین
.
به حقّ سیّد سجّاد و عابد بیمار
دیار شامه گئدن دست بسته زار و نزار
.
به حقّ حضرت باقر امام ابن امام
به حق جعفر صادق وئرن بو دینه نظام
.
به حقّ موسی کاظم شهید زهر ستم
لقبده باب الحوائج اسیر درد و الم
.
به حقّ قبلۀ هفتم امیر کشور دین
غریب خاک خراسان رضا امام مبین
.
به حقّ منبع جود و سخا امام جواد
وئرن نجات بیزه حُبّی موقف میعاد
.
به حقّ نور هدایت امام جن و بشر
آدی علی نقی جانشین پیغمبر
.
به حقّ گوهر دریای علم و حلم و کمال
آدی امام حسن عسکری حمیده خصال
.
به حقّ قائم آل محمد عربی
اولان بو ارض و سمانین قرارینین سببی
.
همیشه منتظروق بیز ظهورینه یارب
تاپاق بو فیضی یتاق تا حضورینه یارب
.
ظهور بو شه والانی عن قریب ایله
مشرّف اولماقا پابوسینه نصیب ایله
.
هدایت اهلی وصالینده باری کام آلسون
او سرور اهل ضلالتدن انتقام آلسون
.
//// این قسمت جهت حفظ امانت ارسال میشود … در مدح حاکم وقت نوشته شده است///
.
الهی اولمیا گر مصلحت بو امر ظهور
همیشه ائت شه اسلامی ناصر و منصور
.
اودور بو گون یر اوزونده معین دین مبین
همیشه ناصر و منصور اولا مظفر دین
.
ائله شریعته راغب اونا وئر عمر طویل
جلال و سلطنتین آرتور ای خدای جلیل
.
همیشه تیغ جهانگیر شهریاری خدا
ائله مفارق اعدایه قاطع و برا
.
ولی عهدینی ای خالق سما و زمین
همیشه ایله مظفر او دور مظفر دین
.
اوزین عزیز و عدوسین ذلیل و خوار ایله
بو عیش و جیش سریرینده برقرار ایله
.
خلوص قلبیله اول نیکبخت صاحب تاج
حسین عزاسینه یارب وئرور همیشه رواج
.
تعجبم که وار اوندا نه پایه ده اخلاص
اولوب او صاحب چاکر حسینه چاکر خاص
.
بهار عمردن عالمده بهره مند اولسون
نهال قامتی چون سرو سربلند اولسون
.
/// پایان مدح حاکم وقت////
.
على الخصوص علمالر که ایلیوب رحلت
مقام عالیه وئر ایله داخل جنّت
.
اولار که ایمدی وئرورلر شریعته رونق
موفّق ایله به حقّ پیمبر برحق
.
اولاردی راه شریعتده بیزلره رهبر
اولاردی وارث علم جناب پیغمبر
.
اولاردی حامی دین شریعت غزا
عزیز ایله خدایا به حق آل عبا
.
نقدر ذاکر و مدّاح چارده معصوم
گلوب گئدوب اولوب ایمدی بو فیضدن محروم
.
باغیشلا لطفویله ای خدای لم یزلی
به حقّ والی والا علیّ و آل على
.
اولار که شاه شهیده دوتار همیشه عزا
خلوص قلبله ایلرله تعزیت برپا
.
اولار که سینه وورارلار حسینه صبح و مسا
وئرورله سس سسه اوخشارلا چون زن سکلا
.
اولار که بزم عزاده ائدرله سعی تمام
بساط تعزییه روز و شب وئرورله نظام
.
چه بانی و چه ملازم چه ذاکر و گریان
باغیشلا جمله سینی یا رحیم و یا رحمن
.
.
#مناجات_دلریش
#ایا_خدای_جهان_سندن_ایسترم_امداد
#ترکی
.
#زبدةالاشعار
.
: @nohe_torki
نظر دهید