زبدةالاشعار

ای باتان پیکری دین اوسته قزل قانه حسین #کوچ_کربلا #هوشی_تبریزی

حضرت زینب سلام الله علیها در قتلگاه
.
✍️ #زبدةالاشعار ✍️
.
🆔: @nohe_torki
.
.
مرحوم غلامعلی باقری الهامی (هوشی تبریزی)
.
ای باتان پیکری دین اوسته قزل قانه حسین
زینبی دورغم هجرون گتوروب جانه حسین
.
عندلیبم ایدورم ترک چمن آیرولورام
سارالوب سولدی هامی سرووسمن آیرولورام
یعنی سندن ال اوزوب جبریله من آیرولورام
دستگیرم بولوسن فرقۀ عدوانه حسین
.
.
یری وارگردل سوزانیمی غم تیری دله
دامن وصل چتیندوردوشه بو نوع اله
ساق قالوب شامیدن هیهات باجون بیرده گله
یتوشه وصلیوه جبران ایده هجرانه حسین
.
.
سالوب آهوکیمی صیاد ستم دامه منی
توش ایدوب ظلمیله مین محنت ایامه منی
چکوری جبریله بواهل جفا شامه منی
نا گزیرم گیدورم آندولا قرآنه حسین
.
.
رسمدورشهلرحسین عالی سریراوسته یاتار
بالش نازه قویار باشین حریر اوسته یاتار
هانسی شه سنکیمی گورنیزه وتیراوسته یاتار
قانلی تپراقی ایدربستر شاهانه حسین
.
.
دیمورم اهل جفا ظلمودن عالمده دویار
هانسی بیرشاهی رعیت بوجفائیله سویار
گون قباقینده یارالی بدنین عورقویار
هاردابوظلم اولونوب سنکیمی سلطانه حسین
.
.
گوزون آچ ایله نظردیدۀ خونباریمه باخ
وُران اود عالمه بو آه شررباریمه باخ
قمچیدن نیلی اولان یاره لی قوللاریمه باخ
دورعلاج ایله اوزون سعی ایله درمانه حسین
.
.
گیجه یغدیم باشا بیرخیمه ده اطفالیوی من
ساخلادیم شام غریبان سنه ای شاه زمن
اولمادی کیمسه دیمه شام غریبانه گلن
گلدی زهرا آنام اول شام غریبانه حسین
.

متن پیشنهادی:  یا حسین مشرقُ الاَنوارِ الهی دی یوزون #حسینیه_بیدقداری

من سنه شام عزا ساخلادیم ای صبح ازل
درک ایدن وقتیده قارداش منیده پیک اجل
سنده لطف ایله منیم شام غریبانیمه گل
دوت اوزون شام غریبان من نالانه حسین
.
.
راضیم تا دم محشربوبیاباندا قالام
وصلیوی درک اِلیوب کامه گوزل عطرون آلام
آغاران زلفومیله پیکریوه سایه سالام
آز اذیت ایده گون بوتن عریانه حسین
.
.
سنکه باش سجدیه قویدون یارلی پیکریله
هم ردیف اولدون عبادتده آتان حیدریله
ویردون اهریمنه انگشتوی انگشتریله
حیرت اوزویردی بوحالتده سلیمانه حسین
.
.
دین وقرآنه عجب خدمت عظما ایلدون
سربلند اهل نمازی ایکی دنیا ایلدون
قانیله جدون آتان خدمتین احیا ایلدون
قویمادون صدمه یته مذهب و ایمانه حسین
.
.
باتدون اوزقانیوه بوچولده سن ای خسروعشق
ویردون عنوان شهامتده باجون زینبه عشق
نهضتیمدن اولی رسوای جهان شاه دمشق
منزلیم گرچه اولار شامیده ویرانه حسین
.
.
قتلگده یارالی آنّلیه ای شاه حجاز
ایلیین وقتیده معبودیویلن راز و نیاز
کونه اعلان ایلدون سن که ندور قدرنماز
آنلامازلیک اولان دینینه بیگانه حسین
.
.
زینبم گرچه آنام فاطمه دردانه سیم
شمع عشقین ولی آفاقیده پروانه سیم
بولوسن عالم هجرین نجه دیوانه سیم
سالارعشقون منی آخرده بیابانه حسین
.
.
ای قویان امرشهادتله گوزل باشینه تاج
وی ویرن مذهب اسلامه قزل قانی رواج
(هوشینون) دردینه لطفیله اوزون ایله علاج
شامل ایت لطفوی اول غرقۀ عصیانه حسین
.
.
.
.
#کوچ_کربلا #هوشی_تبریزی
#ای_باتان_پیکری_دین_اوسته_قزل_قانه_حسین
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  گوروب سنده تجلای نشان بی نشان ای اوخ #حسینیه_عابد_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی