ایلورم بو دشتیدن جنته سفر باجی #وداع_سیفی_اردبیلی

وداع حضرت امام حسین
..
..
..
..
#سبک_مسلمون_شهادتی ( 5 سبک سینه زنی و زنجیر )
مشابه
پخش‌کننده صوت

..
..
..
..
سیفی اردبیلی
..
..
..
..
..
ایلورم بو دشتیدن جنّته سفر باجی
دوز یول اوسته قزلاری سن ملر ملر باجی
..
..
..
..
..
سعی ائله یوباتما چوخ وصلته شتابیمی
من گرک نشان وئرم خلقه انقلابیمی
قویما سینه داغلاسون لیلی و ربابیمی
دوشسه گر اسارته بو حمیده لر باجی
..
..
..
..
..
قویما نظمیدن دوشه خسته دل ستاره لر
یا قفسده اینجیه دانه سیز هزاره لر
حمله ائتسه خیمیه سنگدل سواره لر
ایله خوردا قزلارا سینوی سپر باجی
..
..
..
..
..
آل حیدرون عدو ویرسا اود تفاقینه
دوشسه قاتلان حق غارت اشتیاقینه
قویما سن گلین قیزون ال دگه قولاقینه
باحیا عروس اولار یوخسا خونجگر باجی
..
..
..
..
..
قویمیون چوخ اسکله دیلده صبر و تابوزی
سسلیون من اولماسام مالک الرّقابوزی
سیم و زر وئرون ولی وئرمیون حجابوزی
شأنوزه یتیشمسون ذرّه ای خطر باجی
..
..
..
..
..
ظلمه فاتح اول باجی صبر عاشقانه دن
یورما روح و جسموی کینه ی زمانه دن
قزلاریم داغلسالار یانمش آشیانه دن
دوشمه سونله سعی ائله چولده دربدر باجی
..
..
..
..
..
قدّون اولسا خم اگر بار محنت و غمه
باشوی خم ایلمه یاغیان عالمه
همّتیله حافظ اول انقلاب و پرچمه
چاتماسون مرادینه فرقه ی کفر باجی
..
..
..
..
..
طیّ راه عشقوه بار غصّه باغلاما
صبر و تابیدن چخوب یانما سینه داغلاما
ابتلادن اینجیمه سوز غمدن آغلاما
آغلاسون باخوب سنه دشمنون گولر باجی
..
..
..
..
..
من که وعده ائتمیشم مالک الرّقابیلن
دینی زنده ساخلیام قانلی انقلابیلن
دفع ظلمت ایلسون سنده صبر و تابیلن
نخل انقلابیمیز تئز وئرر ثمر باجی
..
..
..
..
..
دست ظلمیدن دوشوب نار غم تفاقیوه
باخما حسرتیله چوخ گئتملی قوناقیوه
آهوگوز رقیّه می تئز تئز آل قوجاقیوه
دوشمه سون هزاره مون قلبینه کدر باجی
..
..
..
..
..
#وداع #سیفی_اردبیلی #حسینیه #حسینیه_وداع #ترکی #زبدةالاشعار #حسینیه_سیفی_اردبیلی