ورود به مدینه
.
✍️ #زبدةالاشعار ✍️
.
🆔: @nohe_torki
.
حاج داود بیدق داری
.
ای مدینه کاروان آل پیغمبر گلور
زینب بی اقربا، لیلای بی اکبر گلور
.
.
سندن آیریلدی بولار اجلال بی پایانیله
وعده گاه عشقه عازم اولدولار جانانیله
اوج ایثاره چاتوبلار قدرت ایمانیله
ایندی بو اهل ولا بیرعالمه رهبر گلور
.
.
ای مدینه قهرمان کربلا زینب گلور
سرور سالار دینه حافظ مکتب گلور
کربلادن همتین افلاکینه کوکب گلور
صبره معنا دختر صدیقه ی اطهر گلور
.
.
کاروانی که اونا هشتاد اوشاق همراهیدی
عزتی گون تک عیان شانینده گردون جاهیدی
ایندی جان یولداشلاری افغاندی اشک وآهیدی
واریوخی تاراج اولوبدور گورنه بی یاور گلور
.
.
گلشن آل عبانی ظلمیله سولدوردولار
سوکنارینده حریم عصمته اود ووردیلار
آهووان دشت نوره دام ظلمت قوردولار
قاچدی هرآهو دالیجا گوردی بیرلشگر گلور
.
.
ووردیلار هربیرقیزی سسلندی عباس هارداسان
قمچی لر آماجی ام ای کان احساس هارداسان
ووردیلار نیلوفره دوندی گل یاس هارداسان
دور نظرقیل گورنجه شمر ستم پرور گلور
.
.
ای مدینه وئر خبر گلسین آنام ام البنین
ئولدوروب اوغلانلارین کرب وبلاده مسلمین
هئچ آنا دورد اوغلونون هجرانینه دوزمز یقین
گردئسون زینب گلور بوجمعه آسانتر گلور
.
.
آه او وقتن کی گلوب عباس آناسی معبره
بنزیوب شهرمدینه جلوه گاه محشره
آغلادی خیردا بویوک قوزاندی ناله یکسره
گوردیلر عبداللهین دوتموش الین مادر گلور
.
.
گلدی اولده دایاندی ایلدی بیربیر نظر
گوردی تاکی کارواندا یوخدی مولادن اثر
سسلدی زینب منه وئر بیر حسینیمدن خبر
سویله آیا یثربه سلطان دین پرور گلور؟
.
.
عرض ائدوب زینب آنا هجران آغاردیب باشیمی
قانیله ممزوج ایدوب جور فلک گوز یاشیمی
کربلاده کوفیان ئولدوردیلر قارداشیمی
بو قالانلاردی آنا دیداره بی رهبر گلور
.
.
گوردیلرسسلندی گل عبداللهیم اولدون یتیم
عمریم اولسا آغلاماقدور بیرحسینه نیتیم
(پخش اولونسون عالمه اسرار مظلومیتیم)(1)
مظلومون فریادینه چون حضرت داور گلور
.
(1) از #کریمی_مراغه_ای
.
#ورود_مدینه_بیدقداری
#ای_مدینه_کاروان_آل_پیغمبر_گلور
#ترکی
.
✍️ #زبدةالاشعار ✍️
.
🆔: @nohe_torki
نظر دهید