زبدةالاشعار

ایلیوب عزم وطن قارداش عیال بوتراب #اربعین_نجمی_تبریزی

اربعین
وداع از کربلا
زبانحال حضرت زینب (س)

.
.
مرحوم حافظی تبریزی و مرحوم نجمی تبریزی
.
.
ایلیوب عزم وطن قارداش عیال بوتراب
قبروین قربانی زینب ایلمه نازیله خواب
.
.
ای بو هشتاده یاخین شوریده بلبللر گولی
مصطفا دل پاره سی زهرا آناما سؤگولی
تازه دن ترک ایلوری هر بیر گولی اؤز بلبلی
کامیجه بیر بلبل امّا دوتمادی گولدن گلاب
.
.
گورمیوب بیر بیله عالم خلق اولاندان چرخ پیر
چوخ چتین اولسون بیله بیر عالمه محشر نظیر
هر باجی اؤز قارداشیندان رشتۀ الفت کسیر
هر اوغول دان آیریلور بیر مادر خانه خراب
.
.
بی سبب اوج ایتموری افلاکه داد و شیونیم
دولموری درّ سرشک حسرتیله دامنیم
آلتی گوشه قبریوه نیلوم علاقم وار منیم
دفن اولوب روحیم بو یرده ای شه عالیجناب
.
.
تا جهان وار فرقته اصغر اناسی توش اولی
ایسلادور بو علته اشک تری صاق و صولی
بیرده مشکلدور دوشه بو غملو صحرایه یولی
وئر علیّ اصغرین اؤپسون بوغازیندن رباب
.
.
هر اوغول قبرین آلوب آغوشه گپر چه بیر آنا
بیر آنانون حالینه امّا گرک عالم یانا
بیر یانا هر بیر آنا لیلای مضطر بیر یانا
قبر اکبر اوسته قارداش اؤز اؤزین ایلر کباب
.
.
شرذم اولور مانع اوجادان آغلاسین تازه عروس
اللری قوینوندا آهسته ایدر آه و فسوس
وار یری احوالینه یانسا بو چرخ آبنوس
شعلۀ آهیله چکسه شعله عرش نُه قباب
.
.
نهر علقم اوسته کلثومین اوجالمیش ناله سی
نالۀ جانکاهنون وار عمریجه دنباله سی
داغ عباسیله گلزار مصیبت لاله سی
داغلانوب گورسه گلر فریاده حالین شیخ و شاب
.
.
هر بلاکش بیر مزار اوسته دوتوب دلدن شرار
توشه اخذ ایلور تراب تیره دل زارو فکار
منده بیر قبضه مزارون توپراقندان یادگار
ساخلارام گوز جعبه سینده تا دم روز حساب
.
.
حسرتیله قبر پاکوندان اگر اولسام جدا
شهر یثربده گیدوب ای یوسف مصر بلا
قبر زهرا اوسته سالّام کوینگون دلده نوا
ایلرم محشر عیان ای شهریار مستطاب
.
.
بیر سنق نی تک ایله فریاد و افغان ایلرم
قان ایدوب درّ سرشکی رشک مرجان ایلرم
حال زهرانی بو زلفیم تک پریشان ایلرم
عرض قیلّام یاتما دور ای دختر ختم مآب
.
.
چین غمدن بیر سوری گلدی ملر آهو آنا
قبریوه جمله سپور گوز کاسه سیندن سو انا
ویر اجازه منده بو قبره توکوم گیسو آنا
قانیله گر چه اولوبدور کوفه شهرینده خضاب
.
.
شامدن گلدوخ ایکی باجی آنا دلده الم
الده بیر تحفه نه تحفه مایۀ اندوه و غم
من بیر اوخلو پیرهن کلثوم بیر قانلو علم
نه علم نه پیرهن ایجاد شور و انقلاب
.
.
ای شهید کوی جانان وی ذبیحاً من قفا
زینبون جانی گوزل بو قبریوه اولسون فدا
«حافظی» ، «نجمی» گجه گوندوز ایدور شور و نوا
ایسته بو قبره گلوب توکسونله باهم اشک ناب
.
.
.
#اربعین #نجمی_تبریزی
#اربعین_وداع #اربعین_حافظی_تبریزی #حافظی_تبریزی
#ایلیوب_عزم_وطن_قارداش_عیال_بوتراب
#ترکی
#زبدةالاشعار

متن پیشنهادی:  ای جهانی یارادان سالما بیزی حرمت دن #محمد_هوشمند

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی