زبانحال حضرت رباب به حضرت علی اصغر (ع)
..
..
سید محسن رجایی (مجنون)
..
ایمدی که خلوتدی بزم راز اوغول
دور ایداخ بیر درد دل آغاز اوغول
..
..
حرمله تاراج ایدوبدور هوشیمی
اوخلیوبدور طایر خاموشیمی
بوش قویوب گهوارۀ آغوشیمی
قالموشام بی یار و بی همراز اوغول
..
..
اللریم حسرتله سینمده قالوب
کیم سنی ظلمیله بو حاله سالوب
تشنه لیق آرامیوی الدن آلوب
یا که ایلورسن ربابه ناز اوغول
..
..
حُسنده ای مایۀ رشک ملک
نور چشم قطب افلاک و سَمَک
بولمورم علّت ندور دور فلک
منله ایتدی سازینی ناساز اوغول
..
..
مرغ حق که دمبدم شب تا سحر
نغمۀ جانسوزیله حق حق دیر
دادگاه حقّدن حق ایستیر
من کیمی اولماز نوا پرداز اوغول
..
..
من ربابم سوز و سازیم وار منیم
ناله های جانگدازیم وار منیم
نازیوه بیرده نیازیم وار منیم
حیف اولا وار سنده شرم ناز اوغول
..
..
رشتۀ زلفونده ای گلبرگ ناز
باغلامشدیم تار امّید دراز
بی سبب هرگز دگل بو سوز و ساز
آلتی ای اولدون منه دمساز اوغول
..
من دیردیم هر دم ای نیکو سیر
رشد ایدرسن باغ عشقیم بر ویرر
درمدیم شاخ امیدیمدن ثمر
گل کیمی عمرون اولوب چوخ آز اوغول
..
..
بارگاه عشقدن تا برملا
خوان عشقه ویردیلر بوگون صلا
بو صلایه سویلدون سنده بلا
عشقوی ایتدون عجب ابراز اوغول
..
..
خرداجا بیر سنّیله ای مه جبین
دلده عشقون عشق ذاتی دور یقین
تا ایشیتدون نغمۀ هل من معین
شوقدن آچدون پر پرواز اوغول
..
..
سینه مالامال شوق کارزار
جانب میدانه اولدون رهسپار
قویمادون اولسون ربابی شرمسار
ای منه سرمایۀ اعزاز اوغول
..
..
هرکسه اولماز میّسر بومقام
دینینه فدیه ویره بیر تشنه کام
اولموشام مشمول لطف لاینام
ایتموشم بو منصبی احراز اوغول
..
..
عشقون ای سرمشق عشّاق جهان
مکتب عشق ایچره ویرون امتحان
امتحاندان چخدون ای آرام جان
آلموسان بیر رتبۀ ممتاز اوغول
..
..
حالیمه یانسا اگر بیر سلسله
خوش دگل عشّاقه منّتدن گِله
گَلمرم هرگز مصیبتدن دله
اشک چشمیم اولماسا غمّاز اوغول
..
..
لطف حق میداندا یار اولدی سنه
گلمدون تیر جفادن شیونه
شوقدن لبخند ویردون دشمنه
ایلدون بو باره ده اعجاز اوغول
..
..
مرحبا ای طایر عرش آشیان
آشیانون اولدی قرب لامكان
شأنیوه لایق دگلدی خاکدان
عرشیده پرواز ایدر شهباز اوغول
..
..
آتشه دونسون گوروم عالمده آب
سو دگلدی گوردوقوم برج سراب
ساز دلده وار یری سنسیز رباب
باشلاسا بیر شوریله شهناز اوغول
..
..
هم اولوب كاخ امیدیم زیر و رو
هم اولوب قلبیم مزار آرزو
هاردا گورسم سود امر یا جام سو
ایلیر زخم دلیم سرباز اوغول
..
..
باشه یتدی تشنه لیقدان شیونون
زینت اولدی گوگلره قانون سنون
گوئیا بیر بوش قفسدور بو تنون
ای بهشتی مرغ بی آواز اوغول
..
..
عرصۀ تاریخیده چوخ جنگ اولار
جنگیده گردان و تیپ و هنگ اولار
هنگیده سرلشکر و سرهنگ اولار
کیم گوروب ششماهه بیر سرباز اوغول
..
..
غصّه دن چوخ قلب قانیله دولار
چوخ اورک تیر غمه آماج اولار
رسمدور هر گل خزان فصلی سولار
لیک بیر گل سن کیمی سولماز اوغول
..
..
چوخ گله زحمت چکر چوخ باغبان
تا جهان وار لیکن ای آرام جان
ویرمیوب هرگز نشان دور زمان
سن کیمی گل من کیمی گلباز اوغول
..
..
تا جهانی خلق ایدوب پروردگار
چوخ جنایت لر گوروب بو روزگار
حرمله مثلی ولی بیر نابکار
اولمیوب تاریخیده اولماز اوغول
..
..
هانسى طفله سو دم پیکان ویرر
دینینه کیم تشنه لب قربان ویرر
دهرده چوخ شیرخواره جان ویرر
لیک بیر قونداقه قان دولماز اوغول
..
..
یانمورام که ویرموسن لب تشنه جان
ایلیوب بوغم ربابی باغریقان
گول بوغازیندان صورا آیری نشان
تاپمادی بی رحم تیرانداز اوغول
..
..
بو سوزه واقفدی ارباب ادب
شعریوون نقصی دگل جای عجب
شایگان اولموش بو ایراده سبب
بوردا وار بیر نکتۀ ایجاز اوغول
..
..
ایله کیم هر بلبل شیدا اوخور
بلبلان گلشن زهرا اوخور
نوحه نی «مجنون» یازار امّا اوخور
«سیدی» و «فاخر» و «طهباز» اوغول
..
..
#اصغریه #رجایی_تبریزی #اصغریه_شهادت #ترکی #زبدةالاشعار
نظر دهید