زبدةالاشعار

ایوای بو نه عالمدی ای جان جهان قارداش

کوفه
.
✍️ زبدة الاشعار ✍️

?: @nohe_torki

.
ـــــــــــــــ
سبک ::
بدون واگیر :: یاران چه غریبانه

با واگیر : ای شمع حرم خانه … آتدان یره چون دوشدی …
ـــــــــــــــ
.

مرحوم حافظی تبریزی
.

ایوای بو نه عالمدی
ای جان جهان قارداش
وئرمزله کول اوستونده
مهمانه مکان قارداش
.

.

جَبریله دونندن که ائلدن اوزاق اولموشدون
داخل بو یره تنها بیزدن قاباق اولموشدون
هاردا گئجه یاتمیشدون کیمده قوناق اولموشدون
ممکوندور اگر ایله بیر شمّه بیان قارداش
.

متن پیشنهادی:  ایدوب لطفون بوگونده چون امام باقره یزدان #17ربیع_عدلی_تبریزی

بیر منخسِف آی مثلی وار لکّه جمالوندا
قالمیشدی هامی فکریم فکرونده خیالوندا
بیر بیله بو اندازه تغییر اولا حالوندا
بو فکریمه گلمزدی گئتمزدی گمان قارداش
.

ایکاش اولا بو کوفه ئوز باشلارینا ویران
هاردا بو شرایطده ساخلالّا بیرین مهمان
باخسونلا کسوک باشون گورسونله اوخور قرآن
گویا باشا دوشموشلر هیچ یاخچی یامان قارداش
.

متن پیشنهادی:  نه مدّتیدی حسینون غمون خیال ائلرم #وداع_روفه_گر

بو شهره گلینجه من یولّاردا ئولیدیم کاش
اولدی بو یرون دردی هر درد و غمیمدن باش
بی عاطفه انسانلار اطفاله آتولّار داش
ائتموش منی بورفتار آرتوخ نگران قارداش
.

بو ایش یارادوب وحشت چوخ عورت اوشاقلاردا
لرزه اوتوروب یکسر دیللرده دوداقلاردا
کورپه بالا وار آخر بیر عدّه قوجاقلاردا
بولمولّه نه نحویله ائتسونله نهان قارداش
.

هند اوغلی زیاد اوغلی دنیا بویی خوار اولسون
دینون قوروقون پوزدی هر فردینه عار اولسون
ذُریّۀ پیغمبر قوی ناقه سوار اولسون
محشرده اولار روشن بو ظلم عیان قارداش
.

متن پیشنهادی:  گوندرون حضرت زهرای بتوله #فاطمیه_معروف_اهری

ای «حافظی» چوخ سرکش اولدی قلمین گوزله
یازما بوتون اوضاعین اهل حرمین گوزله
پیغمبری جنّتده چوخ ائتمه غمین گوزله
یوخدور دل پاکونده هر شعره توان قارداش
.

#سبک_آتدان_یره_چون_دوشدی (با واگیر)
#سبک_یاران_چه_غریبانه (بدون واگیر)

.
#کوفه
#ایوای_بو_نه_عالمدی_ای_جان_جهان_قارداش
#حافظی_تبریزی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی