مدح و میلاد حضرت علی علیه السلام
.
زبدة الاشعار
.
: @nohe_torki
.
مرحوم حاج محمود ( رهبری تبریزی)
.
ایکی جهاندا علی تک کیمین جلالتی وار
اوهاشمی گلدی بیله عطری وار طراوتی وار
.
یقین ایله که جلالی شماره هیچ گلمز
اونون ولیّ خدا اولماقا لیاقتی وار
.
نه نوعی شرح ایلیوم وصفینی دل عاجزدی
علیدی کَیفَ بشر منصب امانتی وار
.
وجودی نور خدادن اولوب اونون مشتق
ایشقلی گوندی جمالی گونه شباهتی وار
.
ولِیّ خالق یکتا وصیِّ پیغمبر
محمد عربی تک اونون عدالتی وار
.
یگانه مُرشد ایمان و هیکل توحید
عیار مؤمن اولانلار علی ولایتی وار
.
علیدی مظهر حق دحجّت خدای ودود
امام اوّل شیعه اولا لیاقتی وار
.
علیدی ساقی کوثر علیدی باب نجات
علیدی شافع محشر گوزل شفاعتی وار
.
علیدی قاتل کُفّار علیدی رهبر دین
علی ولایتنی دانماقون ضلالتی وار
.
علی مقامینی غیر از خدا و پیغمبر
محالدور بوله بیر کس نجه جلالتی وار
.
یقیندی اولماسا هر دلده ذرّه حّب علی
بهشت حرامیدی مقتل لرین کتابتی وار
.
علی ولایتنه قابل اولماسا هر کس
هدر گیدر نه قدر عمریده عبادتی وار
.
جهاندا شیعیه حلاّل مشکلات علیدی
اوتورمه الدن اونون دامنین سخاوتی وار
.
علیدی اژدری گهواره ده دو نیم ایلدی
علیدی شیر خدا شیر حق شجاعتی وار
.
بو شأن صاحبینی گتدی جانه ظلم عدو
بو روزگارین عجب ظالمانه عادتی وار
.
قلجلانوبدی نماز اوسته حیدر کرار
اولوبدی کوفه ده محشر که حشر علامتی وار
.
چخاتما دامن مولانی ( رهبری) الدن
جزا گونونده علینون سنه شفاعتی وار
.
#حیدریه_مدح
#حیدریه_میلادیه
#ایکی_جهاندا_علی_تک_کیمین_جلالتی_وار
#رهبری_تبریزی
#ترکی
.
#زبدةالاشعار
.
: @nohe_torki
نظر دهید