زبدةالاشعار

گوزوم نوری یوخدی سو منده ایستمه سنده ایلمه افغان #اصغریه_عدلی_تبریزی

حضرت علی اصغر علیه السلام
زبانحال حضرت رباب علیها سلام
.
✍️ #زبدةالاشعار ✍️
.
🆔: @nohe_torki
.
#سبک_شبانگاهان
.
عدلی تبریزی
.
گوزوم نوری یوخدی سو منده
ایستمه سنده ایلمه افغان
بیله اممه دل دوداقوی یوم
گوزلرین لایلای ای گل رضوان
.
بو صحراده سینه داغلارام
سن آغلاسان منده آغلارام
یات علی لایلای
یات علی لایلای
.
.
سنیله من اوچ گجه گوندوز
سس سسه ویرب آغلورام اوغول
دوداقلارین سن امن وقته
آهیله اورک داغلورام اوغول
او رخساره صدمه دگمه سین
اللریوی من باغلورام اوغول
بونیسگیلده هانسی بیرآنادی
ایلمز یوزه اشکنی روان
.
بو صحرانون غم هواسی وار
سنون نه دردون دواسی وار
یات علی لایلای
یات علی لایلای
.
.
قوجاقیمده لایلایون چالورام
دردیوی آلورام گوزلرون باخور
بومعنالی باخماقوندی منی
آتش غمده یاندورور یا خور
دلون یوخدی دردون آندوراسان
دُرّ تک گوزدن اشک تر آخور
بیر آزیوخلا سینم اوستونده
من آناندا وارام سنکیمی عطشان
.
کباب اولدون اماندی یات
فغانوی بیرآز آزات
یات علی لایلای
یات علی لایلای
.
.
علی باشدان آت سوفکرینی سن
خیمه نی گزدیم یوخ سویا امکان
بو سولموش گل تک دوداقوی آز
هی اشارتله ویرمنه نشان
بوچولده جاندی بهاسی سویون
باغلیوب سویون یوللارین عدوان
سن آغلاسان منده آغلارام
گوز یاشیم ایدر سیل تک طغیان
.
نه واردی سو خیمه گاهیده
نه رحم واردی سپاهیده
یات علی لایلای
یات علی لایلای
.

متن پیشنهادی:  سو اوسته قولسوز یخلدیم آتدان آماندی تئز گل هرایه قارداش #عباسیه_کاتب_اردبیلی

.
بلا دشتینده بابان ایستور
عهدی اوستونده امتحان ویرسون
نهال باغ رسالته سویرینه بو
چولده قان ویرسون
الینده گل غنچه ده سولسون
عشقنی جهانه نشان ویرسون
سوفکرین آت ناتوان آهو
یوخدی آخرسو من سنه قربان
.
بو چولده دشمن دوشوب لجه
دُزور آتان بوغمه نجه
یات علی لایلای
یات علی لایلای
.
.
محمد زاده مجید آدلی
بانی دوریازیلا نوحه اصغره
محافلده مدح و نوحه دئیر
شاه دینه هم اوغلی اکبره
سویور«عدلی»همسفر اولا
اونلاقول سالا قبرحیدره
یاتوب اوردا شیعه لرآتاسی
عالمین آقاسی حق دئین انسان
.
علی آدی ساقی کوثر
امام حق شافع محشر
یات علی لایلای
یات علی لایلای
.
.
.
.
#اصغریه_عدلی_تبریزی
#اصغریه_شهادت
#گوزوم_نوری_یوخدی_سو_منده_ایستمه_سنده_ایلمه_افغان
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  یابن الحسن ئورکلره مهرون نشانه دی #فاطمیه_بیضایی_بناب

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی