طفلان حضرت مسلم (ع)
..
..
..
..
مرحوم خالق فکری اردبیلی
..
..
..
..
ایکی طفل حزین جلّاد الینده
گلوبلر داده اول بیداد الینده
..
..
..
..
غزالان دامیدن اولموش گریزان
گزوبلر چوللری ترسان و لرزان
پناهنده اولوبلار دیده گریان
گرفتار اولدیلار صیاد الینده
..
..
..
..
کمنده دوشدیلر طفلان مسلم
ایکی سرگشته و حیران مسلم
او مرغان حق و خوشخوان مسلم
قالوبلار حارث بیداد الینده
..
..
..
..
اسوبدور قاره یل باشلاندی طوفان
نوایه گلدی صحرا و نیستان
سزلدار نی کیمین طفلان نالان
شقی و ظالم و شداد الینده
..
..
..
..
بهشت عدنیده زهرا سزلدار
آچوب باش حضرت طاها سزلدار
بو غمده مریم و سارا سزلدار
قالوبلار آشنالر یاد الینده
..
..
..
..
چخار گنج خفا ویرانه لردن
گورونمز چوخ وفا بیگانه لردن
صدا گلمز یانان پروانه لردن
سونر شمعون ضیاسی باد الینده
..
..
..
..
خلاصه حارث خونخوار و خونریز
متاع عالمه اولدی دل آویز
طمع دندانی چون الماس اولوب تیز
دوتوبدور خنجر فولاد الینده
..
..
..
..
دوتوب قان گوزلرین تا قان ایدوبدور
ایکی جان صاحبین بیجان ایدوبدور
قزل قانلارینا غلطان ایدوبدور
ئوزی آخر قالوب جلاد الینده
..
..
..
..
آپاردی حشر اولونجان لعن و نفرت
یاغار باران کیمین نفرین و لعنت
ایدوب اربابینه چون یاخشی خدمت
گوروب انعامین استبداد الینده
..
..
..
..
شرار آه آتشبار طفلان
ایدوبدور خرمن بیدادی سوزان
بنای ظلم و استبدادی ویران
ایدر حق بیر نچه ناشاد الینده
یتیم و بی پناهون سوز آهی
یخار دنیاده محکم بارگاهی
یزید بی حیا تک پادشاهی
یخوب بیر دختر آزاد الینده
..
..
..
..
عروس بیوفای دهره یاران
ئوزین داماد ایدوبدور شهر یاران
اونا آلانمادی نوح و سلیمان
حنالر قان اولوب داماد الینده
..
..
..
..
اوجالدی «فکرینون» آه و نواسی
گوروم ویران اولا ظلمون بناسی
وطنده اول ایکی طفلون آناسی
قالوب پیراهن اولاد الینده
..
..
..
..
نظر دهید