ای آلتی گونده خلق ائدن ارض و سمانی #کربلا_شهاب_اهری

توسل به حضرت اباعبدالله الحسین (ع)
آرزوی زیارت کربلا
..
..
..
..
شهاب اهری
..
..
..
..
ای آلتی گونده خلق ائدن ارض و سمانی
قسمت ائله اهل عزایه کربلانی
..
ایله حسینون قبرینه بو جمعی زوّار
هم سینه زن هم شاعر و هم نوحه خوانی
..
بیر عمر دور عشق حسین وار باشدا یارب
گوگلوم چوخ ایستور مرقد شاه ولانی
..
ایسته خدادن یا حسین ائتسون اجابت
بیر وقفه دعوت ایلسون اهل عزانی
..
اولما رضا حسرت قالاق شش گوشه قبره
یارب قبول ایله اوزون بو مُدّعانی
..
بیر روز عاشورا سالاق یول کربلایه
یاده سالاق اول وقعه ی دشت بلانی
..
چوخ دردیمیز وار یا حسین درمانده یوق بیز
خاک مزاریندن آلاق بلکه شفانی
..
وئرمیش حسین یئتمیش ایکی لب تشنه قربان
تا پایدار ائتسون بو گون دین خدانی
..
شهزاده اکبردن گئچوب سبط پیمبر
گتدی عباده خیمیه اول مه لقانی
..
اصغر ال اوسته اوخلانوب آلقانه باتدى
یاندیردی گر چه ماتمی آل عبانی
..
دوغراندی جسمی قاسمین میدان ایچینده
آغلاتدی جنّتده آتاسی مجتبانی
..
ای عون و جعفردن گئچن مظلوم حسین جان
راضی ائدن خلّاق كل ماسوانی
..
ای زینبون ویلان قویان دشت بلاده
وئردون رضا اولسون اسیر اول باوفانی
..
علقم کنارینده یاتان قارداشی قولسوز
سقّا سوسوز جان وئردی آغلاتدی جهانی
..
یارب به حق فاطمه خاتون محشر
مأجور ائله روز جزاده شیعیانی
..
توفیقیوی کسمه «شهابه» قیل عنایت
بیر عمر اولوب سلطان دینون نوحه خوانی
..
ائتمه طفیلی دهرده نامرد و مرده
هرچند ناقص دور اونون شرح و بیانی
..
..
#کربلا #شهاب_اهری #آرزوی_کربلا #حسینیه_شهاب_اهری #حسینیه #حسینیه_مدح #ترکی #زبدةالاشعار