ای ازل گون مدحینی خلاق سبحان ایلین #حسینیه_دلریش

در مدیحه جناب فاتح خیبر ساقی کوثر (ع)
.
#زبدةالاشعار
.
: @nohe_torki
.
مرحوم دلریش
.
ای ازل گون مدحینی خلاق سبحان ایلین
وی وجودی عالم امکانی امکان ایلین
.
كل مخلوقه وجودوندور سنون مولا سبب
یا علی سن سن هامی انسانی انسان ایلین
.
رب ارنی کلمه سین موسی دیینده طورده
نور پاكوندور اونی مدهوش و حیران ایلین
.
ای وئرن گردابیده طوفانده نوحه نجات
حضرت ابراهیمه ناری گلستان ایلین
.
یونسه مونس اولان دریاده بطن حوتیده
قورتاران غمدن بونی خوشحال و خندان ایلین
.
سالدى داود اوغلى چونکه نامیوی انگشتره
اسم پاکوندور سلیمانی سلیمان ایلین
.
انبیا مجموعی سندن ایلیوب کسب کمال
اوّل خلقتده سن سن حمد منان ایلین
.
جملۀ حکمت سنون یانوندادور ای نور پاک
بیر نگاهوندور سنون لقمانی لقمان ایلین
.
کلمۀ سلمان منّا گلدی سلمانه ندن
خدمتون ایلوب او دور سلمانی سلمان ایلین
.
سنده دور علم لدنّی سنده دور گنج خدا
سن سن ای شیر خدا قرآنی تبیان ایلین
.
اژدری گهواره ده سن طفل ایکن ائتدون دو نیم
اوّل جنگونده فتح قتل ثُعبان ایلین
.
ای وئرن دورت یوز قطاری سائله بیر آنیده
قنبری جود و سخاوتدن هراسان ایلین
.
ای وئرن حین ركوعده سائله انگشتری
حق یولوندا هر زمان یوز بذل و احسان ایلین
.
ای آلان مظلوم لر دادین هامی ظلام دن
هر ایکی دنیا آرا عدلیله دیوان ایلین
.
دوشسه هر کیم مشگله ورد ایلر اسمون یاعلی
ای هامی مشکل لری عالمده آسان ایلین
.
دشت ارژنده کسنده شیر، سلمانون یولین
شیر الیندن قورتاروب سلمانی خندان ایلین
.
ای باخاندا قهریلن اصلانی بیر مور ایلین
لطف ایلن باخماقلوقینده موری اصلان ایلین
.
ای بؤلن بیر تیغیله هیجا گونینده مرحبی
خیبری بیر طرفة العین ایچره ویران ایلین
.
جنگ خندقده ووراندا تیغ عمر کافره
کاوماهینی سنون تیغوندی لرزان ایلین
.
ای گئچن جان و سریندن کافره بخش ایلین
راه حقده جانینی اعدایه قربان ایلین
.
ای باتان محراب ایچینده سجده ده اوز قانینه
گل جمالین قانیله اول گونده الوان ایلین
.
ای ئولن تشنه حسینی کربلاده ظلم ایلن
شیعه نی تا حشر اولینجه دیده گریان ایلین
.
یاحسین گلدی آدون دولدی بو گوزلر یاشیلن
ای مبارک آدی بو قلبیمی سوزان ایلین
.
ای گندن باشی جداده شام شومه ارمغان
ای جدا باشینده باشی ذکر قرآن ایلین
.
ای یاخان دامادی طویدا اللرینه قان حنا
حجله گاهین ظلمیله چون شمر ویران ایلین
.
ای وئرن سقاسى تشنه جان کنار نهرده
ایچمین سو، الده قدرت، ترک عمان ایلین
.
ای گئچن اهل و عیال و ملک و مالیندن تمام
اهل بیتین دستگیر قوم عدوان ایلین
.
ای یانان دشمن جفاسیله تماما خیمه سی
جمله دار و ندارین بذل جانان ایلین
.
ای کسن اوز ساربانی اللرینی ظلمیلن
تاب اندن هر محنته ترک سر و جان ایلین
.
نه دیر روز جزاده حضرت پیغمبره
اكبر شهزاده نی قانینه غلطان ایلین
.
دردینه حضاریلن بو «دلریشون» ایله دوا
چونکه سن سن یاعلی هر درده درمان ایلین
.
.
#حیدریه_مدح
#ای_ازل_گون_مدحینی_خلاق_سبحان_ایلین
#ترکی
.
#زبدةالاشعار
.
: @nohe_torki