ورود به ماه محرم
.
✍️ زبدة الاشعار ✍️
?: @nohe_torki
.
معزّی اردبیلی
.
گلین عزیزان ئورک اولوب قان
گینه حسینون عزاسی گلدی
حسینه قربان ئولنده عطشان
باشینین اوسته آناسی گلدی
.
گل ای حسین چی، بیر ایل دییردون
محرّم اولسون، محرّم اولسون
چکیلدی عرشه، حسین قراسی
عزایه قلبون، مصمّم اولسون
دئنن حسین وای، غریب آقام وای
سنه عزاده، غم همدم اولسون
ئور کده دردین، کیم ائتدی اظهار
اونا حسینون، دواسی گلدی
.
بو آیدا یاران، بلا چولونده
علیِّ اکبر، جهاده گئتدی
وئریلدی زینت، ذبیحِ زهرا
قتیل اولونسون، مناده گئتدی
تاپیب شهاد ت، او گون مناده
خیامه جسمی، عباده گئتدی
حسین بویوردی، دئیین آنایه
خیامه زیبا، بالاسی گلدی
.
بو آیدا گوردی، سوسوزلار آغلار
گوتوردی مشک و لوا ابالفضل
گئدیب فراته، ووروبدی پرچم
سوسوز چیخیبدور، آقا ابالفضل
دوروبدی یولدا، گلنده اعدا
گوروبدی قولدان، یارا ابالفضل
دئدی آقام گل، ییخیلدی نوکر
هرایه فوراً، آقاسی گلدی
.
بو آیدا شیعه، سوسوزلوقوندان
علیِّ اصغر، دوداقی یاندی
گئدیب سو آلسین، او گون عدودن
وورولدی پیکان، قانا بویاندی
سوزولدی گوزلر؛ مناده غملی
بالا قوجاقدا، آنا دولاندی
بتولِ اطهر، آچیبدی معجر
حسینه جان جان، صداسی گلدی
.
بو آیدا قاسم، گئدیب جداله
آناسی آغلار، دالیجا قالدی
توکولدی اعدا، آرایه آلدی
چمنده گول تک، سولوب سارالدی
یتیشدی داده، ئولن چاقیندا
باشین دیز اوسته، عموسی آلدی
آناسی اول دم، ائد نده دیدار
الی ئورکده، نواسی گلدی
.
#سبک_آچیلدی_پرچم ( 10 سبک )
.
#ورود_محرم
#گلین_عزیزان_ئورک_اولوب_قان
#معزی_اردبیلی
#ترکی
.
✍️ #زبدةالاشعار ✍️
?: @nohe_torki
نظر دهید