قاپی باغلانما دعاسی …
.
✍️ زبدة الاشعار ✍️
?: @nohe_torki
.
مرحوم قدرت اله نادری میانجی
.
ای اولان گلشن دینون گل رعناسی حسین
قوملارین اوسته قالان اوچ گجه اعضاسی حسین
.
وار دخیلون قاپیدا سینه لری داغلادیلار
دردمنداندی گلوب گور قاپونی باغلادیلار
مطلب ایستولَّه عزاداری گرو ساخلادیلار
بیزی گل قید ضمانتدن ئوزون ایله رها
قاپونی باغلیانون دردینه سن ایله دوا
.
ای اولان سرور سرکردۀ روز عرصات
ای وئرن هندده سلطان و وزیرینه نجات
هنده سلطانینه سن وئردون او گون تازه حیات
مظهر وحدت اسلامده توحید ائویسن
یا حسین شیعه لرین دهریده امّید ائویسن
.
دئمروک امر ائده سن خضرلن الیاس گله
خضر و الیاسده اولماز بئله احساس گله
امر قیل لیلیه امداد ائدن عباس گله
او گلوب بیزده اولان مشگلی آسان ایله سون
قاپونی باغلیانون دردینه درمان ایله سون
.
قاپونی باغلیان آچ بیزده شهادت ویره روق
مشگلون حل ائدر عباس بشارت وئره روق
شیعه مولاسی اباالفضلی ضمانت وئره روق
نیت پاکیله آل مطلبی فرصتدی سنه
زینبون قارداشی عباس ضمانتدی سنه
.
نه اولار «نادری» الده گوتوروب خامه یازا
اشک چشمیله اباالفضل آقایا نامه یازا
بیریسین علقمه بیر نامه گئنه شامه یازا
اوردا اوچ سینّیده بیر قزدی یاتان کان وفا
او وئرر گیزلین اولان دردلره عالمده شفا
.
#دعای_اختتامیه
#قاپی_باغلانما_دعاسی
#ورود_محرم
#ای_اولان_گلشن_دینون_گل_رعناسی_حسین
#نادری
#ترکی
.
✍️ #زبدةالاشعار ✍️
?: @nohe_torki
نظر دهید