گئدیسوز محضر دلداره بیزی یاده سالون

بدرقۀ زائران کعبه
.
✍️ زبدة الاشعار ✍️

?: @nohe_torki
.
شاعر ؟؟؟
.
گئدیسوز محضر دلداره بیزی یاده سالون
خانه یار وفاداره بیزی یاده سالون
.
گُذروز دوشسه اگر کوی بنی هاشمدن
تاپسوز اول کوچه ده گوشواره بیزی یاده سالون
.
ثانی ویردی خانمون صول یوزینه بیر سیلی
دگدی صاق صورتی دیواره بیزی یاده سالون
.
منزله گلدی علیدن یوزونی گیزلتدی
دئمه دی دردینی غمخواره بیزی یاده سالون
.
قول قابورقاسی سینوب سینه سی مجروح اولدی
قان دولوب دیده خونباره بیزی یاده سالون
.
گُل یوزی نیلی اولوبدور ائله بیل سایه سالوب
ابر غم مطلع الانواره بیزی یاده سالون
.
ایسته موردی شه مظلومی خجالت ائله سون
اودی بیلدیرمدی کرّاره بیزی یاده سالون
.
مرتضا غسل وئرن وقتده دردین بیلدی
آغلادی یاره وفاداره بیزی یاده سالون
.
سو توکر فضّه ولی آخور اول پیکردن
قان وئرر سینه ده کی یاره بیزی یاده سالون
.
دیه بیلّم که علی ئولدی دیریلدی او گئجه
دئمه دی دردینی اغیاره بیزی یاده سالون
.
نیمه شبده بقیعده خانمی دفن ائلدی
پرده چکدی هامی اسراره بیزی یاده سالون
.
یتورون بیزدن او دورت توز بوروین قبره سلام
یعنی دورت سیّد سالاره بیزی یاده سالون
.
بلی مظلومین ائله قبری بئله توزلی اولار
اوز وئرر غملری حضّاره بیزی یاده سالون
.
گئدون ای شیعه لر اول غصّه لی قبرستانه
باخون اوردا قالان آثاره بیزی یاده سالون
.
یری واردور بو جوانی وئره لر شیعه لره
آغلیون بو غم بسیاره بیزی یاده سالون
.
دردی گیزلین قالانون قبریده گیزلینده قالار
حقّی ثابت اولار ادواره بیزی یاده سالون
.
آختارون قبرینی گرچه بیلورم تاپمازسوز
آلیشاندا اورگوز ناره بیزی یاده سالون
.
قویون ال قوینوزا سوزیله توکون اشگ تری
نظری واردی عزاداره بیزی یاده سالون
.
ای خانم فاطمه نون قان آلان اوغلی تئز گل
عالمی تنگ ائله اشراره بیزی یاده سالون
.
#زائر_کعبه #کعبه
#گئدیسوز_محضر_دلداره_بیزی_یاده_سالون
#لاادری
#ترکی
.
✍️ #زبدةالاشعار ✍️
?: @nohe_torki