ای بابا بو دوغرانان اعضانی گلدیم دفن ایدم #دفن_شهدا_کریمی_مراغه_ای

دفن شهدای کربلا
..
..
..
..
مرحوم کریمی مراغه ای
..
..
..
..
ای بابا بو دوغرانان اعضانی گلدیم دفن ایدم
گون ایوینده پیکر عریانی گلدیم دفن ایدم
..
..
..
..
شرعده واجبدی دفنی هر مسلمانین بابا
نیلیوم اما یانیدی قلبی اعدانین بابا
نه الی وار نه باشی سالم بو اعضانین بابا
نورچشم حضرت طاهانی گلدیم دفن ایدم
..
..
..
..
داغ اکبردن بابا صدپاره قلبیم اودلانوب
پیکرین گوردوم قوم اوسته ارباً اربا دوغرانوب
گون ووروب اوخلار قزوب قان خشک اولوب یاره یانوب
لیلنی آغلار قویان قربانی گلدیم دفن ایدم
..
..
..
..
نعشلر دوشموش بو قربانگاهده برنا و پیر
مسلم ابن عوسجه پور مظاهر هم بُریر
عون و فضل و جعفر و قاسم وهب عابس ظُهیر
جان نثاران ره جانانی گلدیم دفن ایدم
..
..
..
..
نهر علقمدن خیامه قان ریزینده یول دوشوب
بیر بیریندن فاصله ویرمیش یولا ساق سول دوشوب
بیر علم بیر مشک ایکی آلقانه باتمیش قول دوشوب
سو کنارینده دوشن سقانی گلدیم دفن ایدم
..
..
..
..
سینه وی اوخلار یازوبلار صفحۀ فرقان کیمی
هیچ قلم زرّین خط اولماز ناوک پیکان کیمی
سمّ اسب اما سالوب شیرازه دن قرآن کیمی
ظلمیله اوراق اولان قرآنی گلدیم دفن ایدم
..
..
..
..
سود امر طفلین وجودینده هانی تاب و توان
گون قباقینده قوم اوستونده قالا بی سایبان
آلتی آیلیق قارداشیم یاندی کباب اولدی امان
سینون اوسته اصغر عطشانی گلدیم دفن ایدم
..
..
..
..
سو کنارینده سوسوز چون قانه باتدون سن بابا
بیر فقط الله بولر نه حاله قالدیم من بابا
قول قچیمی ناقه اوسته باغلادی دشمن بابا
ایمدی بو پامال اولان ابدانی گلدیم دفن ایدم
..
..
..
..
قاسمه از بس ووروبلا یاره قوم اشقیا
بندی بندیندن اوزولمش جسمینون واحسرتا
گل درنلر گلشنیمده قویمیوب ذوق و صفا
پرپر اولموش هر گل خندانی گلدیم دفن ایدم
..
..
..
..
نوحه یاز آغلا کریمی روز و شب ایله فغان
آدیوی یازدیر حسینون دفترینده نوحه خوان
اوندا که تابوتون اللرده اولار قبره روان
شه دیر بو نوکر نالانی گلدیم دفن ایدم
..
..
..
..
#دفن_شهدا #کریمی_مراغه_ای #ترکی #زبدةالاشعار