#پیام_نهضت_کربلا
.
✍️ #زبدةالاشعار ✍️
.
🆔: @nohe_torki
.
سید ولی اله معینی فرد (واله)
.
عالم اسلامده بیر انقلاب ایتدی حسین
اگمیوب اشراره باش قاندان خضاب ایتدی حسین
.
.
گوردی مظلوم ایلیوبلر خلقی استبدادیله
اهل اسلامی سخوبلا قبضۀ بیدادیله
ال اله ویردی بلا دشتینده بیر تعدادیله
ئولماقی آزادلق اوسته انتخاب ایدی حسین
.
.
گوردی ایجاد ایلیوب آل امیه اختناق
جدّینون قانونین ایلور پایمال اهل نفاق
بو قیامیله یاراتدی خلق آرا بیر اتّفاق
کاخ ظلمی اتّحادیله خراب ایتدی حسین
.
.
بیر مقدّس فکریله تنظیم ایدوب برنامه سین
گچدی جاندان ایتدی برپا کربلا هنگامه سین
اهل ظلمین ایتدی رسوا حاکم خودکامه سین
تا ابد اسلامیانی کامیاب ایتدی حسین
.
.
بی مهابا حق سوزون هر یرده ایراد ایلدی
منطقیله امّت اسلامی ارشاد ایلدی
ملّت مستضعفی ذلّتدن آزاد ایلدی
عالم آیندیه بیر فتح باب ایتدی حسین
.
.
کشتی دینی حسین ایستوردی چکسون ساحله
باش ویروب باش اگمدی عالمده اهل باطله
سعی قیلدی نهضتین الحق یتوردی كامله
هر بلادین اوسته یتدی صبر و تاب ایتدی حسین
.
.
خلقی آزاد ائتماق اوسته رهبر آزادگان
قوردی بیر تشکیل عالی بذل قیلدی نقدجان
گلشن پژمان دینه سو یرینه ویردی قان
تا قیامت اهل كفری دل مصاب ایتدی حسین
.
.
دینه رونق ویردی اسلامین سوسوز قربانلاری
جمله محکوم اولدولار ضد بشر عنوانلاری
قورتاروب قید اسارتدن هامی انسانلاری
نهضتیله رونق دین و حجاب ایتدی حسین
.
.
گوردی محو ایلولّه شرع انوری نیرنگیله
سویلدی حاشا حسین دنیاده قالسون ننگیله
باشین اسلامین اوجاتدی بیر مقدّس جنگیله
ظلمه باش اگماقدان امّا اجتناب ایتدی حسین
.
.
پیشواسیندن مسلمانلاردا مشق آلسون گرگ
تا نفس وار خرمن اشراره اود سالسون گرگ
پرچم حرّیت و وحدت بپا قالسون گرگ
والها اسلامیانی فیض باب ایتدی حسین
.
.
#حسینیه_معینی_فرد
#حسینیه_شهادت
#عالم_اسلامده_بیر_انقلاب_ایتدی_حسین
#ترکی
.
✍️ #زبدةالاشعار ✍️
.
🆔: @nohe_torki
نظر دهید