ای باجی زینب بو صحرای بلا #ورود_کربلا_صحاف_تبریزی

ورود اهلبیت به کربلا
زبانحال سیدالشهدا(ع) به حضرت زینب (س)
..
..
..
..
مرحوم صحاف تبریزی
..
..
..
..
ای باجی زینب بو صحرای بلا
کربلادور کربلادور کربلا
..
..
..
..
سالما سوز آهیله کُونه شرر
توکمه گوزدن عارضه خونجگر
بو همان یردور ویروب جدّیم خبر
باشیمی عطشان کسَلَّر اشقیا
کربلادور کربلادور کربلا
..
..
..
..
ای بو صحراده شریک غم منه
ایلرم صبرى وصیت من سنه
پوزما حالون گلمه داد و شیونه
آچما باشون یولما زلفون آغلاما
کربلادور کربلادور کربلا
..
..
..
..
چوخ بلالی بیر سفر دور بو سفر
ویر باجی قارداشیم عباسه خبر
بیر چوخور یرده قورولسون خیملر
وار بیر اوزگه سرّی ای کان وفا
کربلادور کربلادور کربلا
..
..
..
..
ثبت ایدوب روز ازل کلک قضا
وار بو صحراده باشوندا چوخ بلا
اول مهیّا هر بلایه ویر رضا
بو بیابان بلادور غمفزا
کربلادور کربلادور کربلا
..
..
..
..
سو یولین باغلار بو چولده کوفیان
خیمه لردن اوج ایدر عرشه فغان
یار و انصاریم ویرور لب تشنه جان
قانلو بیر دریا اولور بو نینوا
کربلادور کربلادور کربلا
..
..
..
..
یاندورور سوز عطش اکبادیمی
غم اوجالدور گویلره فریادیمی
ئولدوروللر طوى گونی دامادیمی
سسلنور ایوای اوغول وای مجتبا
کربلادور کربلادور کربلا
..
..
..
..
قاسمون طوی حجله سی ویران اولور
قانلو نعشی زینت میدان اولور
طوی گونونده طوى حناسی قان اولور
نوعروسی باش آچوب ایلر نوا
کربلادور کربلادور کربلا
..
..
..
..
جان ویرور لب تشنه عون و جعفریم
دوغرانور صد پاره گل تک اکبریم
اوخلانور قونداق ایچینده اصغریم
حالیمه آغلار باجی ارض و سما
کربلادور کربلادور کربلا
..
..
..
..
سرو تک عباسیمون قوم ظلم
قوللارین ایللَّه سو اوسته قلم
اوخلانور مشگی باتار قانه علم
ظلمده طغیان ایدر اهل جفا
کربلادور کربلادور کربلا
..
..
..
..
چون گوره لّرصاف یری جسمینده یوخ
یاره اوستوندن وورالار یاره چوخ
سجده گاهیندن دگن اوچ شعبه اوخ
آغلادور سکّان عرشی بر ملا
کربلادور کربلادور کربلا
..
..
..
..
قان ایده للر اشقیا گوز یاشیمی
ظلمله عطشان کسللر باشیمی
دستگیر ایللَّه آل هاشمی
اهل کینه ایلمز حقدن حیا
کربلادور کربلادور کربلا
..
..
..
..
خیمه گاهیم ظلمله تاراج اولور
عترتیم تیر غمه آماج اولور
قیزلاریم بیر معجره محتاج اولور
غرق اولار دریای غمده ماسوا
کربلادور کربلادور کربلا
..
..
..
..
ایلیوب صحاف اگرچه چوخ خطا
ایل به ایل لاکن منه ساخلار عزا
قویمارام یانسون اودا روز جزا
ایلیوب ورد زبان صبح و مسا
کربلادور کربلادور کربلا
..
..
..
..
#ورود_کربلا #صحاف_تبریزی #ترکی #زبدةالاشعار