یا مهدی
.
✍️ زبدة الاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک ( یه سوال دارم مگر ما دل نداریم ای خدا … اذن ویر یا رب گله مهدی امید هل اتی … مولا ، آقا ، عجل علی ظهورک … )
.
.
مرحوم حاج حیدر مدحی
.
ای جهانین خلقینه رمزبقا یابن الحسن
جانوه عالملرین جانی فدا یابن الحسن
.
(مولا – آقا – عَجِّل عَلیٰ ظهُورِک … )
.
.
.
ای تاپان نورجمالیندان جهان ضوء و ضیا
وی وجودپاکینه وابسته نفس ما سو ا
اولماسا فیض عنایاتون اولار عالم فنا
ماسواللّهی دوتار یکسر بلا یابن الحسن
.
.
سن جمال اللهَ آیت سن ، جهانِ حسنده
سن اوگونسن یوخ نظیرون آسمان حسنده
حُسنه حُسن آرتیرمیسان سن خاندان حسنده
حُسنلرسندن تاپیبلار اعتلا یابن الحسن
.
.
سن او مولاسن وئریب نورون جهانه اعتبار
سن او مولاسن وجودونلا تاپیب عالم قرار
خوان یُمنوندن جهان اهلی اولوبلار ریزه خوار
ای سنه کون ومکان،خوانِ عطایابن الحسن
.
.
سن مراد و مقتداسن انس وجانِ خلقته
سن گُلِ زینت فزا سن گلستان خلقته
سن ولیِّ امرِ مطلق سن جهان خلقته
یوخ ولیّ امرِدین سندن سوا یابن الحسن
.
.
سیّدی خلق جهانین همّتی باطل ده دی
جمله غملر خاطر ناشاد اهل دیلده دی
ای پناه سیزلار پناهی شیعه لر مشکلده دی
ای هامی مشکل لره مشکل گشایاابن الحسن
.
.
ای گلستان امامتده گل خوشرنگ و بو
وی جهان خلقته لطف وجودون آبرو
ائیلیری اهل ولا فیض حضورون آرزو
ای امید و ملجاء اهل ولا یابن الحسن
.
.
سیّدی گر اولموری قسمت منه فیض حضور
وای منه جای گلایه یوخدی مندندی قصور
سن ئوزون ای مظهر لطف خداوند غفور
قیل نظر ائله منی مندن رها یابن الحسن
.
.
ای دیار حُسنده فرمانروای ِکامران
تک نه من ، مشتاقِ دیداروندی عشّاقِ جهان
سن امیر ملک عزّت ، من گدای آستان
شه یوزون گورسه نولار،مسکین،گدا،یابن الحسن
.
.
سیّدی سن مظهر و معنای سرّ الله سن
قلب عالم سن هامی اسراردن آگاهسن
شاه راه عزّته روشن دلیل راه سن
دوز یولی آزدی ، اولان سندن جدا،یابن الحسن
.
.
بیر نولور بیر لحظه دیدارون اولا قسمت منه
هرایکی دنیا اولا سرمایه عزّت منه
سن دعا ائت حق عنایت ائیله سین رجعت منه
اوندا اولسون قسمتیم فیض لقا یابن الحسن
.
.
#ای_جهانین_خلقینه_رمز_بقا_یابن_الحسن
#ترکی
.
✍️ #زبدةالاشعار ✍️
.
🆔: @nohe_torki
نظر دهید