ای باشی اللرده گزن حسینیم حسینیم #تنورخولی_عباس_بلندی

تنور خولی
.
✍️ #زبدةالاشعار ✍️
.
🆔: @nohe_torki
.
#سبک_ای_منی_آواره_قویان
.
عباس بلندی
.
ای باشی اللرده گزن حسینیم حسینیم
هاردا قالیب پاره بدن حسینیم حسینیم
.
.
فاطمه نی سالدون اوغول بلایه بلایه
خولی تنورینده گلیب عزایه عزایه
کیمدی دیمورسن بو گلن نوایه نوایه
نطقه گلیب باشلا سخن حسینیم حسینیم
.
.
حضرت زهرادی سنون قوناقون قوناقون
حیف اولا برهمدی اوغول توفاقون توفاقون
ظلمیله القانه باتوب دوداقون دوداقون
گلدی دوداقوندن اوپن حسینیم حسینیم
.
.
قوی منی اوّلده اوپوم گوزوندن گوزوندن
باشلا صورا کرب و بلاسوزوندن سوزوندن
اوغلون ئولوب ایندی دینن ئوزوندن ئوزوندن
اولدون عجب غرق مُحن حسینیم حسینیم
.
.
شمر ایلیکی سالدی سنی کمنده کمنده
پر پر اولوب سولدی گوُلیم چمنده چمنده
سینووه چیخمیشدی قیزیم گلنده گلنده
داغ دیلون اولدی علن حسینیم حسینیم
.
.
گوردوم ئوزوم تلّی باجون قاچاندا قاچاندا
زینبی گوداله گلیب چاتاندا چاتاندا
خنجره ناگه بیر الین آتاندا آتاندا
ناله ایدوب دشت و دمن حسینیم حسینیم
.
.
خنجر الین کسدی دیدیم چالیشما چالیشما
تلّه باخوب نار غمه آلیشما آلیشما
قارداشووین باغلا گوزون دانیشما دانیشما
سسلدیم اللرده ئولن حسینیم حسینیم
.
.
سینمی القصه غمون سیخاندا سیخاندا
قاتلی گوردوم سینووه چیخاندا چیخاندا
آغلامیشام شمر ایویمی یخاندا یخاندا
یاره لی گوداله دوشن حسینیم حسینیم
.
.
فاطمه دن ایتمه حسین گلایه گلایه
گلمیشیدیم سن یخیلان منایه منایه
بیردن اوغول چیخدی باشون جدایه جدایه
ای باشی معراجه گیدن حسینیم حسینیم
.
.
سینمی گوزدن نیه بس آتوبسان آتوبسان
خولی تنورینده گلیب یاتوبسان یاتوبسان
باشدان آخان قانی کوله قاتوبسان قاتوبسان
ئوز گوزونه کول توکولن حسینیم حسینیم
.
.
باشووی آغوشه گرگ آلام من آلام من
ناله سسی نُه فلکه سالام من سالام من
شام غریباندا اویاق قالام من قالام من
کوفه نی گل ایتمه وطن حسینیم حسینیم
.
.
#تنورخولی_عباس_بلندی
#شام_غریبان
#ای_باشی_اللرده_گزن_حسینیم_حسینیم
#ترکی
.
✍️ #زبدةالاشعار ✍️
.
🆔: @nohe_torki