ای بشر بش گونه خاطر بیله غوغا ایلمه #پندیات_ذاکر_هشترودی

نصیحتی چند به برادران هیئتی
#گریز به عشق حضرت زینب (س) به امام حسین (ع)
..
..
..
..
ذاکر هشترودی
..
..
..
..
ای بشر بش گونه خاطر بیله غوغا ایلمه
شأنووى ساخلا ئوزون دهریده رسوا ایلمه
..
..
..
..
نه گوزل راهنمادور بیزه باخ گور قرآن
هر مسلماندا گرکدور اولا اوّل وجدان
ساخلار ایمانینی هر یرده شرفلی انسان
دوز مسلمانسان اگر مردمه ایذا ایلمه
..
..
..
..
گیجه نی صبحه کیمین مجلس غیبت قوروسان
یاتیسان صبح زمانینده گون اورتا دوروسان
هر شب جمعه گلوب هیئته سینه وورورسان
سنی زهرا بیله بیر تعزیه برپا ایلمه
..
..
..
..
بو حسین مکتبیدی ایله مراعات ادب
گلمگونده بو حسین مکتبینه وار نه سبب
آند ویرمه دیمه زهرا گله جک بو دل شب
چیخارون آل نظره صحبت بیجا ایلمه
..
..
..
..
مغرضانه دیمه شاعر سوزینی یازدی منه
صادقانه دبیرم سوزلریمی ایندی سنه
بیر نصیحت ایلدیم عرضیمه فکر ایله گنه
ایندیدن من دیورم هلهله برپا ایلمه
..
..
..
..
فاطمه گلسه بو مجلسده گرک باش یاریلا
باشا شمشیر دگه قان توکوله قاش یاریلا
محتشم ایستوری روضه اوخویا داش یاریلا
چوخ قالوبسان ئوزیوی دهریده بیضا ایلمه
..
..
..
..
عاشقین باشی گرک دائمی غوغاده اولا
هر نئی اولسا ویره بیر الى سوداده اولا
عاشقین شرطی بودور هر عملی ساده اولا
مکتب عشقه اوزاقسان هله سودا ایلمه
..
..
..
..
بیز هارا عاشق شاه شهدا اولماق هارا
یا حسین عاشقینه گور نقدر دگدی یارا
مکتبه گیت اوخی سن درس دبستانی صورا
هر الفبا بیلنی عالم دانا ایلمه
..
..
..
..
عاشقین باشدا گرک قانی ایله جوشه گله
حبّ دنیانی بلی قلبیدن هر آنی سیله
گیجه گوندوز دولانا چوللری غربتده ئوله
عشقه بیگانه نی سن عاشق و شیدا ایلمه
..
..
..
..
معنی عشقی ازلدن هامی بیلسون ای کاش
اللی اوچ ایل دولانوب بو ایکی زیبا یولداش
دیدی زینب گلرم من هارا گیتسون قارداش
گلمسم دفتر عشقی هله امضا ایلمه
..
..
..
..
عشق یاریله حسین عترتووی سن آتدون
آج سوسوز قوملارون اوسته باجون ئولسون یاتدون
غملرونده آنام اوغلی منی چوخ آغلاتدون
آنامون خاطرینه «ذاکری» رسوا ایلمه
..
..
..
..
#پندیات #ذاکر_هشترودی #حسینیه_ذاکر_هشترودی #ترکی #شعر #شاعر #مداح #ترکی #زبدةالاشعار