معراج حضرت پیامبراکرم(ص)و اشاره به مقام حضرت زهرا(س)
.
✍️ #زبدةالاشعار ✍️
.
🆔: @nohe_torki
.
ستوده زنجانی
.
ایستدی آیاتینی حق گورسه ده پیغمبره
بیرگجه یردن آپاردی اؤز حبیبین گوگلره(۱)
.
.
ایلدی معراج عرشه اول حبیب کردگار
قاب قوسینی گئچوب اول شاهد رفرف سوار(۲)
.
.
خالقین امریله همراه اولموشیدی جبرئیل
چونکه لازمدی اولا، ناآشنا یولدا، دلیل
گرچه همراه خلیل اللهیدی لطف جلیل
لطفون افزایش وئروب جبریلی همراه ایلدی
حرمت پیغمبره اکوانی، آگاه ایلدی
.
.
جبرئیلون آردیجا طی ایلیوردی یول براق
ناگهان جبریل دوردی گئتمدی سالدی ایاق
آسماندا گوئیا آی صورتین دوتدی محاق
قالدی خوف حقّیدن روح الامین رفتاریدن
روشن اولدی حضرته مطلب بئله گفتاریدن
.
.
عرض ائدوب طاهایه سن گئت اذن یوخدور دای منه
بو عروجی، حق مقدّر ایلیوب تنها سنه
سن مقرّب سن هامی کسدن او حیّ ذوالمنه
کون و امکاندا کیمون سن تک بئله امکانی وار
قرب درگاه الهی ده اونون اسکانی وار
.
.
مصطفی گئتدی، ورای عرشی اسکان ایلدی
حیّ داور اؤز حبیبین عرشه مهمان ایلدی
حرمت پیغمبری دنیایه اعلان ایلدی
یتدی سس بی واسطه پیغمبره ذوالرحمته(۳)
ای حبیبیم خوش گلوبسن قرب حی و وحدته
.
.
کون و امکانی سنه خاطر یاراتدیم من ازل(۴)
یوخدی مخلوقاتیم ایچره بیرنفر سندن گوزل
سندن اوتری نازل اولدی عرش و فرشه ما نزل
مرتضانی لطف اوزیله جانشین ائتدیم سنه(۵)
نایل اولدی مرتضاده لطف حیّ ذوالمنه
.
.
ایلدیم زهرانی اون بیرگوهر حقّه صدف
زهره ی زهرادی خلق حوض کوثردن هدف(۶)
خلق اولوب هم کفو زهرا ، مرتضی شاه نجف
نازنین اوغلی حسن همتای والاسی حسین
هم سنه، هم مرتضایه، هم بتوله نورعین
.
.
سیز هامی بیر نور واحدسوز حبیبیم اصلیده
رهنماسوز خلقیمه هرعصریده هر فصلیده
هادی راه هداسوز بزم قرب وصلیده
یامحمد عرشیمه پیرایه سوز سیز پنج تن
اولماسیدوز سیز یاراتمازدیم بو عرش و فرشی من(۷)
.
.
بالأخص زهرایه چوخ آرتوقدی الطافیم منیم
دامن پاکیزه ی زهرادی بحر ایمنیم
متصلدی ذیل زهرایه منیم اؤز دامنیم
دامن زهرانی دوت تا نائل اول آمالیوه
ذکر یازهرا دئنن عزت وئریم اجلالیوه
.
.
روز محشرده هامی مخلوق وانفسا دیر
خوف روز حشریدن بارماقلارین چگنر ییر
گون ویرار جسمی پیشر اوددان قبا مردم گیر
قورخودان یکسر جماعت بید مجنون تک اسر
مِهر زهرادور او دمده نعره ی ناری کسر
.
.
ایستسه زهرا شفاعت هر گنه کاره اگر
برگ سبز عفو و بخشش مندن اول شخصه گلر
مِهر زهرا هرکیمون قلبینده وار گئتمز هدر
فادخلی فی جنتی(۸)الطافی،زهرا عشقیدی
عشق زهرا چون حقیقی عاشقین سرمشقیدی
.
.
فاطمه عشقیله من نیرانی رضوان ایلرم
لطفمیله نار نیرانی گلستان ایلرم
حرمت زهرانی بو نحویله اعلان ایلرم
نور زهرائیله من جنّاته زینت وئرموشم
ائتموشم حبل المتین زهرایه عصمت وئرمیشم
.
.
یادینه سال امتین هرلحظه هول محشری
ترک قیلسونلار فنا دنیاده ناباب ایشلری
دعوت ایله حق یولا ، عورتلری، هم کیشلری
عبد شیطان(۹)اولمیوب آلّانماسون اغوا سنه
حق باخار مؤمنلرین ایمانینه ، تقوا سنه(۱۰)
.
.
هر کس ائتسه دهریده بیر ذرّه قدری خیر(۱۱)و شر(۱۲)
بهره ی اعمالینی دنیا و عقباده گورر
نامه ی اعمالی الده محضر حقّه گلر
حشر دیوانینده شاهد، شخصین اؤز اعضاسیدور
حاکم دیوان عدل، اؤز خالق داناسیدور
.
.
دیل دیر منلن یالان سوز نشر وئردی عالمه
ال دیر منلن اوغورلوق ایلدی بی واهمه
گوز دیر منلن نظاره ایلدی نامحرمه
الغرض اقرار ائدر هر عضو اؤز اعمالینه
وای بو احوالیله عاصی بنده نون احوالینه
.
.
بارالها رحم ائله قویما بو دوز یولدان آزوم
تقویت ائت طبعیمی سن ایستین سوزلر یازوم
لوح دلده عشقوی، آل اللهین مهرین، قازوم
سئودوگون زهرایه یارب آند وئرّم من سنی
تا وارام اؤز نفسیمه بیر لحظه وا قویما منی
.
.
دامن زهرادن اوزمه بو گنه کارین الین
ذکریوه گویا ائله بو عبد عاصی نون دلین
ائتگیله لاتقنطوا من رحمت الله، حاصلین
شستشو وئر بحر رحمتده هامی عصیانیمه
ائتدیگیم ایشلر سالوب خوف عذابین جانیمه
.
.
ای اولان امّ ابیها شافع محشر خانم
نازنین آدون ازلدن ائتموشم ازبر خانم
لطفوی محشر گونی بو عاصی یه گوستر خانم
ایسته اللهدان اورکده قویماسون آمالیمی
صاق الیمه لطف قیلسون نامه ی اعمالیمی
.
.
انبیا و اولیا اولدم که وا نفسا دیر
هریانا یوز دوندرر، هر دمده وا غوثا دیر
ختم پیغمبر او دم، یت داده یازهرا دیر
امتیم الدن گئدیر حشره اوزیوی تئز یتور
هرنه اسباب شفاعت وار الونده تئز گتور
.
.
چوخ وار اسباب شفاعت ائتمه غم سویلر بابا
دورت مین اوخلی پیرهنله قاره بیر معجر بابا
عرشده محفوظ خون خنجرِ اصغر بابا
سسلرم یتمیش ایکی قانه باتان گل پیکری
بالأخص واردور ابوالفضلین کسیلمیش اللری
.
.
شیعه لر قربان اولا صدیقه ی کبرا سنه
سویلینده کیم آتان قربان اولار زهرا سنه
آزدی گر قربان اولا دنیا و مافیها سنه
سن امید امت مرحومه سن، باب المراد
حیف اولا دنیاده قدرین بولمدی قوم عناد
.
.
هر زماندا امت مرحومه یازهرا دیر
کیم اولا مظلوم یا مظلومه یازهرا دیر
همّ و غم اوز وئرسه هر مهمومه یازهرا دیر
بالأخص اوغلون حسین عاشقلری سسلر سنی
سالماسان گوزدن، نه بیر مظلومی نه مظلومه نی
.
.
اهل محشرده ، سنی اولدمده سسلر دادینه
اؤز آتاندا، یت دیر، بو امتین فریادینه
یتمه سن سن، گر بو عاصی امتین امدادینه
قعر نیران جایگاه دائم آحاد اولار
لطفون اما موجب دلشادی اوتاد اولاد
.
.
خازنان جنت و نیراندا یازهرا دیر
هر یارانموش هر زمان هریاندا یازهرا دیر
میثمیله بوذر و سلمان یا زهرا دیر
یازموشام چوخ نوحه لر هم اهلبیته هم سنه
اولماسا لطفون گرک یازسون #ستوده وای منه
ــــــــــــــــــ
(۱)سوره اسرا آیه ۲
(۲)سوره نجم آیه ۹
(۳)و(۴)حدیث قدسی
(۵)سوره مائده آیه ۷۲
(۶)سوره کوثر
(۷)حدیث قدسی
(۸)سوره فجر آیه ۳۱
(۹)سوره ی یس آیه ۶۱
(۱۰)سوره حجرات آیه ۱۳
(۱۱)و(۱۲)سوره زلزال آیه ۶و۷
.
.
.
#معراجیه #پیامبراسلام_مدح
#قیامت #فاطمیه_مدح
#ایستدی_آیاتینی_حق_گورسه_ده_پیغمبره
#ستوده_زنجانی #ترکی
.
✍️ #زبدةالاشعار ✍️
.
🆔: @nohe_torki
نظر دهید