ای تار سر زولفون واللیل اذا یغشی #پیامبراسلام_سیدعظیم_شروانی

در نعت پیامبر (ص)
#غزل #سیدعظیم_شروانی
..
..
..
..
سید عظیم شیروانی
..
..
..
..
ای تارِ سر زولفون، واللَّیل اذا یغشی
والشَّمس یوزون وصفین ذرّاتا قیلیب انشا
.
ای مرشدِ ناسوتی، وی سایرِ لاهوتی
کیم اولمادی هم سئیرین جبریل شب اسری
.
گون اولسا گئجه اولماز، ای ماه! نه دیر وجهی
یلدای سرِ زولفون گون أوزده اولوب پئیدا؟
.
سن جؤهر، عرَض عالم، سن اصل، طُفیل آدم
هم علّت غاییسن، هم علّته سن مبدا
.
هر علّته علّت سن، سن باعثِ خلقت سن
سن عینِ مشیّتسن ، سن عالمه سن مؤلا
.
سن اوّل و سن آخِر، سن باطن و سن ظاهِر
سن طیب و سن طاهِر، سن صورت و سن معنا
.
ای چارده معصومون سر خیل و سرافرازی
قرآن خداونده شاهِد بو سؤزه طاها
.
خورشید جمالیندان بیر ذرّه عیان اولدو
طور أوزره تجلّادان مبهوت قالیب موسا
.
سیّد نچیدیر ائتسین اوصاف سنی، ای شه
اظهار خلوصیّت ائیلر سنه اول شیدا
.
#غزل_ترکی #پیامبراسلام #غزل_سیدعظیم_شروانی
#ترکی #پیامبراسلام_مدح #سیدعظیم_شروانی
#ای_تار_سر_زولفون_واللیل_اذا_یغشی
#زبدةالاشعار