استیذان حضرت قاسم (ع)
.
✍️ #زبدةالاشعار ✍️
.
🆔: @nohe_torki
.
#سبک_علی_جان_بالا_لبیک
مشابه
.
مرحوم خوندل تبریزی
.
منی لطف ایله گوندر بو میدانه عمو جان
گیدوم راه وفاده باتوم قانه عمو جان
.
.
.
آتام روز ازلده بازوب قتلیمه فرمان
آنام بوینوما سالدی کفن ای شه عطشان
اوزوم منده رضایم رکابونده ویرم جان
بو گون سنده رضا ویر بو عنوانه عموجان
.
.
.
عمو شورش محشر اولوب خیمه ده برپا
او شیون او سیزیلتی ایدوب صبریمی یغما
سوسوز قیزلارون آغلار یانار عترت زهرا
ندور چاره بو جمع پریشانه عموجان
.
.
.
آتام یوخدی یتیمم عمو قوى منه منّت
سنه دوزدی چتیندی بو گون عالم فرقت
آتامدان وار اجازه ایچم جام شهادت
اوزون آل نظر ایله بو فرمانه عموجان
.
.
.
بو واضحدی که دلدن اوزون غصه لیسن سن
دوتوب راه فراتی بو بی عاطفه دشمن
خزان نکهتی واضح گلور لعل لبوندن
ویرر سو دم خنجر بو عطشانه عموجان
.
.
.
منیم سوز مصیبت یانان سینمى داغلار
سنون رأفت و لطفون ره مقصدی باغلار
باتوب قانینه اکبر اناسی یانار آغلار
گلور داده باخانلار او نالانه عموجان
.
.
.
عمو باشیمه بیر سال بو گون سایۀ رحمت
یارالی یخلاندا بو قربان محبّت
قبول ایله بو عرضی سن ایت لطف و عنایت
گلوب ایله نوازش بو قربانه عموجان
.
.
.
عمو کوی وفاده باتوب قانینه چوخلار
مگر پیک محبّت وفا اهلینی یوخلار
وجودیمده او دم که چاتار باش باشا اوخلار
آچار راه محبّت دل و جانه عموجان
.
.
.
آنام باشیمه گوردی دوشوب شوق شهادت
حلال ایلدی حقین ایدوب لطف و عنایت
چکوب سرمه علاوه اوزی ایلدی زینت
بو زلفه اوز الیله وروب شانه عمو جان
.
.
.
عمو ظلمله اوخدان وجودیم پر آچاندا
او اوخلار بدنیمده گل احمر آچاندا
قلج نیزه یاراسی قزل گللر آچاندا
تماشایه گل اوندا گلستانه عموجان
.
.
.
عمو گرمدی از بس بو بازار تجارت
آلار عشق متاعین خریدار محبت
او کالایه یقیناً ویرور حق اوزی قیمت
باشیمدان بدنیمدن آخان قانه عموجان
.
.
.
.
.
#قاسمیه #خوندل_تبریزی #قاسمیه_شهادت
#منی_لطف_ایله_گوندر_بو_میدانه_عمو_جان
#ترکی
.
✍️ #زبدةالاشعار ✍️
.
🆔: @nohe_torki
نظر دهید