ای جان به کف شهید قرآنیم اکبر اکبر #اکبریه_حضرتی_ناعمی

زبانحال حضرت لیلا در بالین فرزندش
.
.
#سبک_احوالیمیز_یاماندی …
.
.
علیرضا حضرتی
.
.
ای جان به کف شهید قرآنیم اکبر اکبر
قرآن یولوندا عطشان قربانیم اکبر اکبر
.
.
ای ماه منظر اکبر، طاهایه بنزر اكبر
مظلوم حسینون اوغلى لیلایه دلبر اکبر
آیدان گؤزل جماله قربانم اکبر اکبر
سن سن منیم جهاندا جانانیم اکبر اکبر
.
.
ای عزّ و افتخاریم، وی شوکت و وقاریم
زهرا ائوینده سن سن اجلال و اعتباریم
آچ گؤزلرون آماندی الدن گئدوب قراریم
قان آغلیور بو چشم گریانیم اکبر اکبر
.
.
مقصودوه چاتیبسان اؤز قانوه باتوبسان
قانلی عبا ایچینده نه نازیلن یاتوبسان
سس وئرموسن آناوی گؤزدن نیه آتوسان
سن سن منیم امید دورانیم اکبر اکبر
.
.
دؤزمز آنا بالاسین سالسون حصاره غملر
جانه آلار قاداسین دردینه چاره ایلر
من ایلیوم نه چاره باشون یاروبدی خنجر
یوخدور الیمده افسوس امکانیم اكبر اكبر
.
.
دوزمزدی غملی لیلا غم موج ائده سؤزونده
تاب ایلمزدی بیر آن گؤزیاش اولا گؤزونده
گوللم کی پارچا پارچا قان لخته دی ئوزونده
بیلمم ندندی چیخماز بو جانیم اکبر اکبر
.
.
نازیله بسله میشدیم ای گل سنی چمنده
اوغلوم فرحلنردیم هر دم سنی گؤرنده
ای کاش گؤزوم چیخیدی سن خیمیه گلنده
ظلمیله دوغرانوبدی مهمانیم اکبر اکبر
.
.
.
.
.
#اکبریه #حضرتی_ناعمی
#اکبریه_شهادت
#ای_جان_به_کف_شهید_قرآنیم_اکبر_اکبر
#ترکی
#زبدةالاشعار