بسته شدن راه فرات
.
.
محمدی هشترودی ( ناطقی )
.
.
باغلانوب سو یولّاری کرب و بلاده شیعه لر
صحبت سو وار بو گون خیمه سراده شیعه لر
خیردا قیزلار وای دئیور اصغره لای لای دئیور
.
.
ایلیوب غملر احاطه عترت پیغمبری
تشنه لوخ دلدن سالوبدور شیرخواره اصغری
عابد بیماری محزون ایلیوب غم بستری
آیری اوضاع گورسنور زین العباده شیعه لر
درد و غم مأنوس اولوب شدّت تبدن سولوب
.
.
دمبدم محنت سالور واضح فشاره زینبی
موجلی دریا کیمی آلمش کناره زینبی
ایستیور غرق ایلسون اول بخت قاره زینبی
قدرتیندن ایلوب اعداء استفاده شیعه لر
حق کچیلمز باطله گر دوشه هر مشکله
.
.
کوفه تیر اندازی دورت مین نهریده چکمیش حصار
منجنیق غم سیخوب اولاد زهرا بیقرار
غیرتیندن تتریور اخیامیده شاهین شکار
آل اطهارین گوزی صاحب لواده شیعه لر
محرم اسرار دور حقه پرچمدار دور
.
.
صاحب اولموشدی ابوالفضل پرچم حرّیّته
اولمادی راضی یئته ذرّه خلل امنیّته
محضر سلطانه گلدی با وفا بو نیّته
خدمتی اسلامه الحق فوق العاده شیعه لر
باشیله جاندان گیچوب سو یئرینه قان ایچوب
.
.
عرض ایدوب ویر اذن میدان شاه محشرسال یولا
ایلمه شرمنده عبّاسون سنه قربان اولا
باغلارام ویرسون اجازه سعد و شمری قول قولا
اذن آلوبدور گیتمه گه ایتدی اراده شیعه لر
گیدی عزّت جامه سین باغلادی عمّامه سین
.
.
اولدی آماده سپهسالار لشگر خیمده
تشنه لیقدان آغلیور شش ماهه اصغر خیمده
جنگه اقدام ایله دی فرزند حیدر خیمده
همّت مردانه لوخ وار باوفاده شیعه لر
مرد دور مردانه دور خدمتی قرآنه دور
.
.
یولّانوب سمت منایه صاحب عزّ و شرف
یول مشخّص گون کیمی البتّه واضحدور هدف
اهل عرفان ایلمز بیجا یئره عمرون تلف
اولمیوب اولماز خطا اهل ولاده شیعه لر
خطّ مشی منجلی یا علیّ و یا علی
.
.
سدّ اسکندر کیمی دوردی مقابل لشگره
حیدر کرّار تک سالدی نظر بیر صفلره
صاحب پرچم او چولده جنگی ائتدی یکسره
مرد و مرکب توپراقا اولدی فتاده شیعه لر
جنگ ایدر صاحب علم قولّاری اولموب قلم
.
.
رشتۀ آمال کفری زادۀ حیدر قیروب
مرحبا بیر حمله سینده مقصده پرچم ویروب
شهریار ملک غیرت مشکین اوّل دولدوروب
شکر معبوده سزا دل ربّناده شیعه لر
دولدوروب اوجون غرض ایلیوب رأیین عوض
.
.
نفسینی عقلیله بس عبّاس معیار ایلدی
معنویّت جامینی واقعده سرشار ایلدی
هم جهاد اکبر ایتدی نفسینی خوار ایلدی
آفرین و حبّذا بیله جهاده شیعه لر
مرکبیندن دوشمدی بیرجه قطره ایچمدی
.
.
نهردن خارج اولوبدور اول امیر با وفا
ئوز قویوب سمت خیامه البلاء للولا
دورت طرفدن شیر میدانه کمند آچدی بلا
ذرّه جه ابرو خم ائتموب ابتلاده شیعلر
تیغ آتشباره باخ مرشد پیکاره باخ
.
.
حمله گتدی اشقیا شدّت لنوب جنگ جدل
وار خبرده خیمه گاهه سو یئتوردی ما حصل
“ناطقا” بیر آیری یئرده وئرمدی مهلت اجل
شیردل مأیوس اولوب سعی و صفاده شیعلر
قوللاری اولدی قلم توپراقا دوشدی علم
.
.
.
.
#فرات #محمدی_ناطق #ترکی #زبدةالاشعار
نظر دهید