زبانحال حضرت علی اکبر (ع) خطاب به لشکریان امویان
.
✍️ زبدة الاشعار ✍️
?: @nohe_torki
.
مرحوم شیخ اسماعیل تائب
.
ای جماعت آتامون من دُرِ درانه سیَم
آنامون یوخ داخی اوغلی ، بیر بیردانه سیَم
.
وورموشام شعلۀ شمع رُخ یاره اؤزومی
اود دوتوب بولمرم اصلا اؤزومی نه سوزوی
یاریم اود ووردی منه یومدی جهاندا گوزومی
یانورام یاندیرارام عالمی پروانه سیَم
.
خُم میخانۀ عشقم منِ مپیمانه پرست
اولموشام ساغر مجلس اولالی کاسه شکست
دولانوب صفلری بیر بیر گزرم دست به دست
گتوروب گردشه ساقی منی پیمانه سیَم
.
قان گوروب باشدان آشور گور نجه تدبیر ائلیوب
داغیدوب کاکلی قان جِسرینی زنجیر ائلیوب
داش دوزوب دوره مه اطرافیمی نخجیر ائلیوب
اودی آباد ائلین من اودی ویرانه سیَم
.
زلف پر چینیمی توکدی یوزمه دام ایلدی
خالیله دانه سپوپ مرغی اونا رام ایلدی
آنامی خیمه ده بی طاقت و آرام ایلدی
یوز قویوب دامیمه مرغ دلینین دانه سیَم
.
من که مفتونم اونا عالمی مفتون ائدرم
شور وفریادیمیله دهری دگرگون ائدرم
بیر حزین آهیله یوز لیلینی مجنون ائدرم
بلی مجنون ائدرم لیلینی دیوانه سیَم
.
محرم خلوت جانان بولی جاناندا نه وار
صدف ایستر که بوله شاخۀ مرجاندا نه وار
بونی جانانه بولر بس که بو بیر جاندا نه وار
آلالار مین جانا وئرمز منی جانانه سیَم
.
مرغ خوش لهجه سیم لهجۀ گفتاریمیله
طوطیِ ناطقیم نطق شکرباریمیله
چشم و قدّ و رخ و زلف و خط رخساریمیله
نرگس و سرو گل و سنبل و ریحانه سیَم
.
آزالوب جود و سخاوت چوخ اولوب نخل نخیل
کسیلوب بارش رحمت قوریوب نخل نخیل
شاعر الحق که فضولیدی نوالیدی دخیل
#تائبم من اولارین دهریده افسانه سیَم
.
#سبک_یارالی_جان_یارالی ( 4 سبک )
.
#اکبریه_شجاعت
#ای_جماعت_آتامون_من_در_درانه_سیم
#شیخ_اسماعیل_تائب
#ترکی
.
✍️ #زبدةالاشعار ✍️
?: @nohe_torki
نظر دهید